“რუსეთი დენთის დანთებას არ მოერიდება” – რა საფრთხე ემუქრება საქართველოს?

ანალიტიკოსი, ხათუნა ლაგაზიძე, სოციალურ ქსელში, წერს:

“საქართველოს უსაფრთხოების პირველი ზღუდე დღეს საინფორმაციო თავდაცვასა და უსაფრთხოებაზე გადის: სომხეთის, ცოტა ხნით ადრე კი აზერბაიჯანის სოციალურ ქსელებში მიმდინარეობს კარგად ორგანიზებული ანტიქართული კამპანია, რომლის უკანაც მარტივად იკითხება რუსული ხელი, რომლის მიზანი აზერბაიჯანსა და საქართველოს, სომხეთსა და საქართველოს შორის არსებული ურთიერთობების დანგრევა და კონფლიქტის საქართველოზე გადმოტანაა.

საკითხავია მუშობს თუ არა და რას აკეთებს საქართველოს ხელისუფლება სომხეთისა და აზერბაიჯანის პოლიტიკურ ელიტასთან, მედიასთან, აზრის ლიდერებთან სწორი კომუნიკაციისთვის?! იკვლევს თუ არა იმ რისკებსა და საფრთხეებს, რაზეა გათვლილი და რა შედეგების მიღწევას ისახავს მიზნად საქართველოს წინააღმდეგ მიმართული საინფორმაციო ომის ეს ახალი ვექტორი?!

ცხადია, რომ რუსეთი მთლიანად რეგიონში დენთის დანთებას არ მოერიდება. “ოცნებისთვის” კომფორტული სირაქლემას პოზა ქმედითი კონტრსტრატეგიის გარეშე, ამ სიტუაციაში არ უშველის.”