გორში კორონავირუსის 4 ახალი შემთხვევაა გამოვლენილი.
“ნიუპოსტის” ცნობით, კოვიდ 19-ით ინფიცირებულებს შორის სამი 30 წლამდე ასაკის მამაკაცია, მათი დაინფიცირების წყარო დადგენილია. ორი მათგანი ქობულეთის კალსტერს მიეკუთვნება, ერთი კი თბილისის. რაც შეეხება ბოლო, მეოთხე შემთხვევას, ვირუსი 40 წელს გადაცილებულ მამაკაცს დაუდგინდა, მისი დაინფიცირების წყაროს დადგენას ეპიდემიოლოგები ამ წუთებშიც ცდილობენ.
გორის საზოგადოებრივი ჯანდაცვის ცენტრის დირექტორის, მარიამ გიუნაშვილის განცხადებით, 30-ზე მეტი პირია თვითიზოლაციაში გადაყვანილი, დღის ბოლოს კი ლუგარის ლაბორატორიაში 10-მდე ნიმუშის გაგზავნა იგეგმება. შიდა ქართლის რეგიონში, საერთო ჯამში, კორონავირუსის 46 შემთხვევაა დადასტურებული.
კომენტარები