კორონავირუსით ინფიცირებული სამი თვის ბავშვი ჩოხატაურიდან ქუთაისის ინფექციურ საავადმყოფოში გადაიყვანეს.
ექიმების ინფორმაციით, ბავშვის მდგომარეობა ამ დროისთვის საშუალო სიმძიმისაა, მას დამატებითი კვლევები უტარდება.
„ახლახანს კატასტროფის ბრიგადამ შემოიყვანა ჩვილი დადასტურებული „კოვიდ-19“ დიაგნოზით. მცირეწლოვნის მდგომარეობა საშუალო სიმძიმით ხასიათდება, არ აღენიშნება პნევმონია და სხვა გართულებები“, – განუცხადა „პირველ არხს“ კლინიკის სამედიცინო დირექტორმა ნოდარ მაღლაფერიძემ.
ამ დროისთვის ქუთაისის უნფექციურ საავადმყოფოში ახალი კორონავირუსით ათი პაციენტი მკურნალობს.
ამირან გამყრელიძე აცხადებს, რომ ინფიცირებულს ჩვილი ხელში ეჭირა და სწორედ ასე მოხდა ვირუსის გადადება.
„ფიზიკური კონტაქტი იყო, ბავშვი ხელში ეჭირა ინფიცირებულს,”- განაცხადა გამყრელიძემ.
კომენტარები