„სტრატეგია აღმაშენებლის“ ერთ-ერთი ლიდერის, სერგო ჩიხლაძის განცხადებით, მმართველი გუნდი ქვეყანაში შექმნილ კოვიდ ინფექციასთან დაკავშირებულ პროცესებს პოლიტიკური მიზნებისთვის იყენებს. ამასთან, ინიციატივით გამოდის, რომ მთავრობის მიერ რეგულაციებსა და შეზღუდვების შემუშავების პროცესში, რომელიც ყველასთვის ღია უნდა იყოს, ოპოზიციის წარმომადგენლებმა და ჯანდაცვის დამოუკიდებელმა სპეციალისტებმაც მიიღონ მონაწილეობა. ჩიხლაძის თქმით სახელმწიფო სრულიად მოეშვა, მოდუნდა და ახლა სურთ საზოგადოებას დასდონ ბრალი და ჯოხი მასზე გადატეხოს
„კოვიდ ინფექციასთან მიმართებაში მდგომარეობა გამძაფრდა, სულ უფრო მეტი და მეტი ინფექციის შემთხვევები ჩნდება ქვეყანაში. უფრო მეტად მყარდება ეჭვი, რომ მთავრობა კვლავ იწყებს აღნიშნული მდგომარეობის გამოყენებას საკუთარი პოლიტიკური მიზნებისათვის. მუშაობენ გაურკვეველი რეგულაციებზე, შეზღუდვებზე დახურულ კარს მიღმა, რომელიც მოიცავს მთელ წინასაარჩევნო პერიოდს და ასევე არჩევნების დღეს,“ – აცხადებს ჩიხლაძე და მთავრობას უფრო ქმედითი ნაბიჯების გადადგმისკენ მოუწოდებს.
„არ უნდა მოვცეთ დამსხვრეული ოცნებების მთავრობას იმის საშუალება, რომ ეს მძიმე მდგომარეობა საკუთარი მიზნებისთვის გამოიყენოს. „სტრატეგია აღმაშენებელი“ გამოვდივართ ინიციატივით და მოთხოვნით, რომ აღნიშნული სამუშაო პროცესი, რაც მთავრობის მხრიდან ახალი რეგულაციებსა და სტანდარტების შემოღბას გულისხმობს, გახდეს გახსნილი და პროცესში ჩაერთოს ოპოზიციის წარმომადგენლები და ჯანდაცვის დამოუკიდებელი სპეციალისტები. მთელი ეს სამუშაო პროცესი უნდა იყოს გამოჭვირვალე. ყველამ ვიცოდეთ რა სტანდარტები, რა რეგულაციები და რა შეზღუდვები წესდება, ვის ეხება ეს შეზღუდვები ან რატომ. მოქალაქეებმა ეს ნათლად უნდა იცოდნენ და არა ისე, როგორც ახლა ჩუმად, დახურულ კარს მიღმა ხდება. სახელმწიფო მოეშვა, არ ატარებს სამედიცინო პერსონალის ტესტირებას. მაშინ როცა, ყოველდღიურ რეჟიმში უნდა ტარდებოდეს სამიზნე ჯგუფებისა და სამედიცინო პერსონალის ტესტირება. ახალი საინფორმაციო კამპანია მიდის ამასთან დაკავშირებით? სახელმწიფო სრულიად მოეშვა, მოდუნდა და ახლა უნდათ საზოგადოებადაანადაშაულოს და მასზე გადატეხონ ჯოხი. თურმე საზოგადოების ბრალია, რომ სადღაც რაღაცა მოულოდნელად აღმოჩნდა“ – სერგო ჩიხლაძე
კომენტარები