“ბიჭი რომელიც მეხმარებოდა პოლიციის განყოფილებაში სცემეს” – რას ჰყვება თამარის დედა?

თამარ ბაჩალიაშვილის დედა, თეონა თამაზაშვილი “მთავარ არხთან” რამდენიმე ვერსიაზე საუბრობს. თამაზაშვილი არ გამორიცხავს, რომ საქმის ერთ-ერთი ფიგურანტი დეა კაპანაძე მის შვილთან სპეციალურად დაამეგობრეს და უკანონო საქმეში ჩაითრიეს.

“შესაძლოა დეას გზითაც გავიდნენ ესეც საეჭვოდ მეეჭვება, რომ დეას დამეგობრება რამდენიმე წლის წინ მოხდა თამუნასთან, სპეციალურად დაამეგობრეს დეა, რომ მერე ამის მიხედვით მოეხდინა ეს ყველაფერი, – ამბობს თამაზაშვილი.

ბაჩალიაშვილის დედა აცხადებს, რომ მის ახლობელზე სავარაუდოდ ზეწოლაზე განხორციელდა. ის რამდენიმე დღის წინ მომხდარ ინციდენტსაც იხსენებს:

“არის ასეთი ბიჭი შოთიკო ჭაბაშვილი, რომელიც მეხმარებოდა აქციების მოსაწყობად. ეს ბიჭი 2 დღეა არ შემხმიანებია, ჩემი წყაროებით გავიგე, რომ ამ ბიჭს მოუწყვეს პროვოკაცია, ვარკეთილის მეტროსთან მივიდა ვიღაცა შავგრემანი ბიჭი და სთხოვა ტელეფონზე დამარეკინეო, გამოართვა ტელეფონი და აღარ დაუბრუნა, აღარ დაგიბრუნებო. შოთიკომ პოლიციაში განაცხადა და პოლიციის განყოფილებაში ის სცემეს, – ამბობს ბაჩლიაშვილის დედა.

ბაჩალიაშვილის დედა ამბობს, რომ ამ ინციდენტის შემდეგ ის შოთიკო ჭაბაშვილს ვეღარ უკავშირდება. თეონა თამაზაშვილი მისი შვილის საქმესთან დაკავშირებით თურქეთისა და აზერბაიჯანის ხელისუფლებებს მიმართავს და ქართულ სამართალდამცავ უწყებებს უნდობლობას უცხადებს. თამაზაშვილი არ გამორიცხავს რომ მკვლელობის საქმე რუსულ კვალამდე მიდიოდეს.