“გვაქვს ვიდეოს და ამ მტკიცებულებით ექვსივეს მიმართ სასამართლო გამამტყუნებელ განაჩენს გამოიტანს”

გიორგი შაქარაშვილის მკვლელობის საქმესთან დაკავშირებით მცხეთის რაიონულ სასამართლოში არასრულწლოვანი ბრალდებულების პროცესი მიმდინარეობს. სხდომის დაწყებამდე საქმის პროკურორმა, ნანა გუგუტიშვილმა განაცხადა, რომ ბრალდების მხარე სასამართლოს დამატებით ახალი მტკიცებულების წარდგენის შუამდგომლობით მიმართავს

 გუგუტიშვილის თქმით, საუბარია ვიდეომასალაზე, სადაც ბრალდებულების გადაადგილება და დანაშაულებრივი ქმედების ორგანიზებაა ასახული. პროკურორი მიიჩნევს, რომ ამ შუამდგომლობას სასამართლო დაუშვებს, რადგანაც ის დასაბუთებულია.

„სასამართლოს მივუთითებთ იმ ძირითად მტკიცებულებებზე, რასაც ბრალდების მხარე სასამართლოში გამოიკვლევს და რაზე დაყრდნობითაც ბრალდების მხარეს გონივრული მოლოდინი აქვს, რომ მტკიცებულებების გამოკვლევის შემდეგ სასამართლო ექვსივე არასრულწლოვნის მიმართ გამამტყუნებელ განაჩენს გამოტანს. აღნიშნულ სისხლის სამართლის საქმეზე ბრალდების მხარეს წარდგენილი აქვს შაქარაშვილის ცხედარზე ჩატარებული დამატებითი სასამართლო-სამედიცინო ექსპერტიზის დასკვნა, დამატებითი ვიდეომასალა, სხვადასხვა მასალა, რაც გამოძიების პროცესში დაცვის მხარისთვის ცნობილი იყო, რომ აღნიშნული მტკიცებულებების მოპოვება მიმდინარეობდა. თუმცა ვინაიდან არასრულწლოვნების საქმეზე გვაქვს მოკლე დრო და ვადაში ვართ შეზღუდული, დამატებით მოხდა მტკიცებულებების წარდგენა სასამართლო პროცესზე. ვიშუამდგომლებთ, რომ ეს მტკიცებულებები დასაშვები იყოს. ამ ვიდეომასალაზე დაფიქსირებულია მცხეთიდან თბილისში ბრალდებულების გადაადგილება, დანაშაულებრივი ქმედების ორგანიზება, შემდეგ მათი გადაადგილება უკან, თბილისიდან მცხეთის მიმართულებით და დანაშაულებრივი ქმედების განხორიელება”