“მასზე არც გადაცემებს მოამზადებენ, არც პოსტებს მიუძღვნიან, არც პატრიარქთან მიიყვანენ სანუგეშოდ მის ცოლსა და შვილს…”

სოციალური ქსელის მომხმარებელი, გეგა, აქვეყნებს ფოტოს და წერს:

“მასზე არც გადაცემებს მოამზადებენ, არც ვრცელ პოსტებს მიუძღვნიან, არც პატრიარქთან მიიყვანენ სანუგეშოდ მის ცოლსა და შვილს, არც სოციალური ქსელი აჭრელდება მისი ფოტოებით.

არადა ის სხვა ადამიანების გადასარჩენად დაიღუპა.

51 წლის მეხანძრე გელა მელიქიძე ყარაჯალაში ხანძრის ლიკვიდიაციის დროს დაიღუპა. მას მეუღლე და ქალიშვილი დარჩა. ბიჭი კი ცოტა ხნის წინ სიმსივნით გარდაეცვალა.

სამწუხაროდ ჩვენთან მხოლოდ ცნობად სახეებზე შესტკივათ გული. გელა და მისნაირები კი…. ვითომ ასეც უნდა ყოფილიყო, ვითომც არაფერი, ვითომც ჩვეულებრივი ამბავი.

ნათელში იყავი ჩვეულებრივო და კარგო კაცო.#გავაზიაროთ და ვიცნობდეთ გმირებს”