ამერიკულმა გამოცემამ “ბლუმბერგ”-მა (Bloomberg) გამოქვეყნა სტატია სათაურით “შვეიცარიული Credit Suisse-ის შვილობილი ბანკის თანამშრომელს სინგაპურის სასამართლოში ბიძინა ივანიშვილის ახალი სარჩელი ელოდება” (ავტორი – ჰუგო მილერი).
მასში ნათქვამია, რომ საქართველოს ყოფილი პრემიერ-მინისტრი ბიძინა ივანიშვილი აგრძელებს ჩივილს შევეიცარიული ბანკის Credit Suisse-ს წინააღმდეგ – მილიარდერმა სარჩელი აღძრა ბანკის ერთ-ერთი “შვილობილის” წინააღმდეგაც, რომლის თანამშრომლის თაღლითობით მან მინიმუმ 300 მილიონი დოლარი დაკარგა.
სარჩელში ნათქვამია, რომ Credit Suisse-ის შვილობილი ბანკის “ერთ-ერთმა” თანამშრომელმა “ვერ შეძლო კეთილსინდისიერად მოქმედება და ბენეფიციარების საუკეთესო ინტერესების დაცვა”, კერძოდ კი, ბიძინა ივანიშვილისა და მისი ოჯახის, რადგან ყურადღებით არ მიუდგა იმ საკითხს, თუ როგორ იმართებოდა მათი ინვესტიციები.
როგორც პუბლიკაციაშია აღნიშნული, ბიძინა ივანიშვილი ვარაუდობს, რომ Credit Suisse-ის ხელმძღვანელობა საქმის კურსში იყო ერთ-ერთი მენეჯერის მაქინაციებთან დაკავშირებით, მაგრამ არაფერი არ გაუკეთებია მის აღკვეთის მიზნით. “ბიძინა ივანიშვილს, ქართველ მილიარდერს, რომელმაც თავის ქონება საბანკო და ელექტრონიკის სფეროში საქმიანობით დააგროვა, ყველა საშუალება აქვს ბრძოლის გასაგრძელებლად. მისი ინვესტიციები მთელ მსოფლიოშია გაფანტული, ბერმუდის კუნძულებიდან ახალ ზელანდიამდე”.
სტატიაში საუბარია აგრეთვე ბანკის ქონების ყოფილი მენეჯერის პატრიცია ლესკოდრონის შესახებ, რომელიც 2018 წელს იქნა გასამართლებული ჟენევაში და პატიმრობა მიუსაჯეს კლიენტების, მათ შორის, ბიძინა ივანიშვილის ხელმოწერების გაყალბებისა და ყალბი ვაჭრობისთვის.
კვირის პალიტრა
კომენტარები