“არჩევნებზე “ოცნებისა” და “ნაციონალური მოძრაობის” წინააღმდეგ ვიბრძოლებ”

გარდაცვლილი ფეხბურთელის, გიორგი შაქარაშვილის ბიძა, მირიან ნიკოლაძე პოლიტიკურ აქტივობებს აანონსებს.
ნიკოლაძე დამოუკიდებელი დეპუტატების მიერ შექმნილი პარტიის, “ჩვენი საქართველო – სოლიდარობის ალიანსის” წევრია და შესაძლოა მათი სახელით მაჟორიტარადაც იყაროს კენჭი.

ნიკოლაძე პარტიის თანადამფუძნებელია და პოლიტსაბჭოს წევრია.

“თანადამფუძნებელი ვარ და ბუნებრივია პოლიტსაბჭოს წევრიც გახლავარ.

2004 წელს ჩემი ნებით წამოვედი საქართველოს პროკურატურიდან, იმიტომ, რომ იმ სადისტური რეჟიმის პირობებში არ ვიმუშავებდი. 9 წელი ვიყავი ქუჩაში. შეხვალთ გუგლში და ნახავთ რაც მიკეთებია. ამის შემდეგ ვიყავი “ოცნების” მხარდამჭერი…” – განაცხადა მირიან ნიკოლაძემ.
ნიკოლაძის თქმით, ის არჩევნებზე “ქართული ოცნებისა” და “ნაციონალური მოძრაობის” წინააღმდეგ იბრძოლებს.

ნიუპოსტი