• რეკლამა
  • კონტაქტი
17:24, ოთხშაბათი, 18 ნოემბერი, 2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

“ძაღლების სიკვდილიანობის მიზეზები დამოუკიდებელი ექსპერტიზით უნდა დადგინდეს”– რუმინეთის პარტიის წერილი “ოცნების” ხელისუფლებას

ალია ავტორი - ალია
16:58 11-18-2026
- ახალი ამბები, მთავარი
A A
0
Facebook-ზე გაზიარება
33
ცხოველთა უფლებადამცველი, ნანუკა ძირტკბილაშვილი, სოციალურ ქსელში ავრცელებს რუმინეთის პარტიის ოფიციალური წერილის თარგმანს:
გიზიარებთ “ბუნების, ადამიანებისა და ცხოველებისათვის” რუმინეთის პარტიის ოფიციალურ წერილსა და მის არაოფიციალურ თარგმანს საქართველოს მთავრობისა და პრემიერ მინისტრისადმი
საქართველოს მთავრობა
↘️↘️↘️↘️↘️↘️
NOA
პარტია ბუნების, ადამიანებისა და ცხოველებისთვის
რუმინეთი
რუმინეთი
2026 წლის 9 ნოემბერი
საქართველოს პრემიერ-მინისტრს და მთავრობის წევრებს
თბილისი, საქართველო
🛑საგანი: გადაუდებელი მიმართვა საქართველოში ძაღლების დაცვისა და გამჭვირვალობისა და ანგარიშვალდებულების უზრუნველყოფის შესახებ
პატივცემულო პრემიერ-მინისტრო და მთავრობის წევრებო,
რუმინეთის პარტიის „ბუნების, ადამიანებისა და ცხოველებისთვის“ (NOA) სახელით, გვსურს გამოვხატოთ ჩვენი ღრმა შეშფოთება საქართველოში ძაღლების მოპყრობასთან დაკავშირებით გავრცელებული ბოლოდროინდელი ცნობების გამო. მოვუწოდებთ მთავრობას, მიიღოს სათანადო ზომები მათი დაცვის, არსებული კანონმდებლობის ეფექტიანი აღსრულებისა და თბილისში მომხდარი შემაშფოთებელი ფაქტების გამჭვირვალე გამოძიების უზრუნველყოფის მიზნით.
თბილისში ძაღლების გვამების გადატანისა და დაკრძალვის ამსახველმა ვიდეომასალამ სერიოზული კითხვები გააჩინა საჯარო მზრუნველობაში მყოფი ცხოველების ბედის შესახებ. ვაღიარებთ, რომ მუნიციპალური ხელისუფლება უარყოფს განზრახ მასობრივი მკვლელობის ბრალდებებს და რომ შინაგან საქმეთა სამინისტრომ საქართველოს სისხლის სამართლის კოდექსის 259-ე მუხლით სისხლის სამართლის საქმე აღძრა. ამ სიკვდილების გარემოებები და მიზეზები სანდო, დამოუკიდებელი ექსპერტიზით უნდა დადგინდეს.
ეს მხოლოდ ცხოველთა კეთილდღეობის საკითხი არ არის. საჯარო სივრცეებიდან აყვანილ ძაღლებს შესაძლოა ჰყავდეთ პატრონები, ოჯახები ან ადამიანები, რომლებიც მათ წლების განმავლობაში უვლიდნენ. მათი გაუჩინარება იწვევს დიდ სულიერ ტრავმას, განსაკუთრებით ბავშვებისა და მოწყვლადი ჯგუფებისთვის, რომლებსაც მათთან ძლიერი ემოციური კავშირი აქვთ. როდესაც ხელისუფლება ვერ აწვდის საზოგადოებას მკაფიო ინფორმაციას თავის მზრუნველობაში მყოფი ცხოველების ბედის შესახებ, ეს ინსტიტუტების მიმართ საზოგადოებრივ ნდობასაც ასუსტებს.
საქართველოს კანონი „შინაური ცხოველების შესახებ“ უკვე აწესებს მნიშვნელოვან გარანტიებსა და პასუხისმგებლობებს. მე-3 მუხლი აღიარებს ცხოველთა სხვადასხვა კატეგორიას, მათ შორის პატრონიანებსა და თემის წევრების მიერ მოვლილ ცხოველებს. მე-5 მუხლი კრძალავს მიტოვებას, ხოლო მე-7 მუხლი განსაზღვრავს პატრონის პასუხისმგებლობას იდენტიფიკაციასთან, რეგისტრაციასთან, ვეტერინარულ მოვლასთან, ვაქცინაციასა და საზოგადოებრივ უსაფრთხოებასთან დაკავშირებით. მე-18 მუხლი ავალდებულებს ხელისუფლებას, მიიღოს ზომები ცხოველის პატრონის ან მომვლელის დასადგენად, ხოლო 21-ე მუხლი აზუსტებს ეთანაზიის სამართლებრივ საფუძვლებს. იდენტიფიცირებადი პატრონის არარსებობა და თავშესაფრის არასაკმარისი ტევადობა თავისთავად არ წარმოადგენს ამგვარ საფუძველს.
უფრო მეტიც, 23-ე მუხლის თანახმად, პატრონებს 2027 წლის 1-ელ იანვრამდე აქვთ ვადა თავიანთი ცხოველების იდენტიფიკაციისა და რეგისტრაციისთვის. შესაბამისად, რეგისტრაციის არარსებობა ავტომატურად არ უნდა იქნას განმარტებული იმის მტკიცებულებად, რომ ძაღლს პატრონი არ ჰყავს.
გვჯერა, რომ აუცილებელია ამ სამართლებრივი გარანტიების ეფექტიანი აღსრულება და საჯარო მზრუნველობაში აყვანილი თითოეული ძაღლისთვის დოკუმენტირებული და მიკვლევადი შედეგის უზრუნველყოფა.
1
საჯარო
რუმინეთის გამოცდილება მნიშვნელოვანი გაფრთხილებაა ეფექტიანი პრევენციის ნაცვლად დაჭერასა და ეთანაზიაზე დაყრდნობის შედეგების შესახებ. 2013 წლიდან რუმინეთის კანონმდებლობა იძლევა პატრონმიტოვებული ან აუყვანელი ძაღლების 14 სამუშაო დღის შემდეგ ეთანაზიის უფლებას, ინდივიდუალური ადმინისტრაციული გადაწყვეტილების საფუძველზე. „პეტა გერმანიისა“ (PETA Germany) და ცხოველთა დაცვის რუმინეთის ეროვნული ფედერაციის (FNPA) ანალიზის თანახმად, 2001-2025 წლებში რუმინეთში ძაღლების პოპულაციის მართვაზე დაახლოებით 1.01 მილიარდი ევროს საჯარო სახსრები დაიხარჯა. მიუხედავად ამ მნიშვნელოვანი ხარჯებისა, ძირითადი პრობლემა კვლავ მოუგვარებელი რჩება.
ეს გამოცდილება სერიოზულ კითხვებს აჩენს იმ სისტემების ეფექტიანობისა და ფინანსური მდგრადობის შესახებ, რომლებიც პრიორიტეტს ანიჭებენ ძაღლების დაჭერას, თავშესაფრებში მოთავსებასა და ეთანაზიას ისე, რომ სათანადოდ არ აგვარებენ მიტოვებისა და უკონტროლო გამრავლების საკითხებს. საჯარო ხარჯები მიმართული უნდა იყოს გაზომვად, ხანგრძლივ შედეგებზე და არა ისეთი ძვირადღირებული ციკლის შენარჩუნებაზე, რომელიც პრობლემას ვერ აგვარებს.
ყურადღებას იმსახურებს ცხოველების მიმართ სისასტიკის ფართო სოციალური შედეგებიც. სამეცნიერო კვლევებმა გამოავლინა კავშირი ცხოველთა მიმართ სისასტიკეს, შემცირებულ თანაგრძნობას, ოჯახური ძალადობის ზემოქმედებას, ბულინგსა და ინტერპერსონალური აგრესიის სხვა ფორმებს შორის. რუმინეთსა და გერმანიაში მოზარდების მონაწილეობით ჩატარებულმა კვლევამ შეისწავლა კავშირები თანაგრძნობას, ოჯახურ ძალადობასა და ცხოველთა მიმართ სისასტიკეს შორის, ხოლო სხვა კვლევამ, რომელშიც 241 მოზარდი მონაწილეობდა, აჩვენა, რომ ცხოველთა ძალადობის თვითმხილველობა ასოცირდება როგორც ბულინგთან, ისე ცხოველების მიმართ სისასტიკესთან. კვლევებმა ასევე შეისწავლა ბავშვებისთვის ასეთი ქმედებების პოტენციური ფსიქოლოგიური შედეგები.
ეს დასკვნები მიუთითებს იმაზე, რომ ცხოველების მიმართ სისასტიკე არ არის მხოლოდ ცხოველთა კეთილდღეობის საკითხი, არამედ ეს არის ფართო საზოგადოებრივი პრობლემა, რომელიც უკავშირდება ბავშვთა დაცვას, განათლებას, საზოგადოებრივ ჯანდაცვასა და ძალადობის პრევენციას. ისინი ასევე ხაზს უსვამენ საჯარო პოლიტიკის მნიშვნელობას, რომელიც პრევენციას უკეთებს სისასტიკეს და ხელს უწყობს ცხოველების ჰუმანურ მოპყრობას.
საჯარო ინსტიტუტებს აქვთ განსაკუთრებული პასუხისმგებლობა, დაიცვან ჰუმანური სტანდარტები და მისაბაძი მაგალითი მისცენ თანაგრძნობის, პასუხისმგებლობისა და სიცოცხლის პატივისცემის საქმეში, განსაკუთრებით ახალგაზრდა თაობებისთვის. ცხოველების მიმართ მათმა მოპყრობამ უნდა ასახოს განათლებითა და საჯარო პოლიტიკით წახალისებული ფასეულობები.
ცხოველთა ჯანმრთელობის მსოფლიო ორგანიზაცია (WOAH) უზრუნველყოფს ძაღლების პოპულაციის ეფექტიანი მართვის საერთაშორისო ჩარჩოს. მისი ხმელეთის ცხოველთა ჯანმრთელობის კოდექსის 7.7 თავი ხელს უწყობს ყოვლისმომცველი მიდგომის დამკვიდრებას, რომელიც მოიცავს როგორც პატრონიან, ისე უპატრონო ძაღლებს, პასუხისმგებლიან პატრონობას, იდენტიფიკაციას, სტერილიზაციას, ვაქცინაციას, ჰუმანურ მოპყრობასა და თემის ჩართულობას. ორგანიზაცია აღიარებს, რომ მასობრივი განადგურება არაეფექტიანია ცოფის კონტროლისთვის და რომ ეთანაზია ძაღლების პოპულაციის მართვის ეფექტიანი საშუალება არ არის. ეს რეკომენდაციები მხარს უჭერს პრევენციულ, მტკიცებულებებზე დამყარებულ მიდგომას, რომელიც იცავს ცხოველთა კეთილდღეობას და ამავდროულად უზრუნველყოფს საზოგადოებრივ ჯანმრთელობასა და უსაფრთხოებას.
2
საჯარო
ამ კონტექსტში, მთავრობის განსახილველად შემდეგი ზომების შეთავაზება გვსურს:
1. უზრუნველყოფილი იქნას კანონთან შესაბამისობა და თავიდან იქნას აცილებული ეთანაზია.
გვსურს, რეკომენდაცია გავუწიოთ მკაფიო მითითებების მიცემას ყველა შესაბამისი უწყებისა და კონტრაქტორისთვის, რაც დაადასტურებს, რომ ძაღლების ეთანაზია დაუშვებელია მხოლოდ იმ მიზეზით, რომ მათ არ ჰყავთ იდენტიფიცირებადი პატრონი, რჩებიან უპატრონოდ ან იკავებენ ადგილს თავშესაფარში. ეთანაზიის შესახებ თითოეულ გადაწყვეტილებას უნდა ჰქონდეს დოკუმენტირებული, ინდივიდუალური სამართლებრივი და ვეტერინარული დასაბუთება, შესაბამისი დამოუკიდებელი ზედამხედველობისა და ანგარიშვალდებულების მექანიზმების მხარდაჭერით. ეთანაზია არასდროს უნდა იქცეს ძაღლების პოპულაციის მართვის მეთოდად.
2. უზრუნველყოფილი იქნას გამჭვირვალე და დამოუკიდებელი გამოძიება.
მიგვაჩნია, რომ აუცილებელია თბილისში დაკრძალული ძაღლების შესახებ ყველა შესაბამისი მტკიცებულების შენარჩუნება და საფუძვლიანი შესწავლა, მათ შორის დაჭერის ჩანაწერების, ვეტერინარული შეფასებების, მედიკამენტების აღრიცხვის ჟურნალების, ეთანაზიის დოკუმენტაციისა და ცხოველთა ნარჩენების განკარგვის ჩანაწერების. დამოუკიდებელი ვეტერინარული ექსპერტიზები, სადაც ეს შესაძლებელი და შესაბამისია, ხელს შეუწყობს სიკვდილის მიზეზების დადგენას. კანონით დაშვებული ფარგლებში დასკვნების საჯარო კომუნიკაცია და დარღვევების დადასტურების შემთხვევაში სათანადო ზომების მიღება გააძლიერებს გამჭვირვალობას, ანგარიშვალდებულებასა და საზოგადოებრივ ნდობას.
3. დაცული იქნას პატრონიანი ძაღლები და თემის მომვლელები.
უზრუნველყოფილი უნდა იყოს ეფექტიანი იდენტიფიკაციის, რეგისტრაციისა და შეტყობინების პროცედურები, მათ შორის აყვანილი ცხოველების შესახებ ინფორმაციის დროული გამოქვეყნება და ხელმისაწვდომი მექანიზმები პატრონებისა და მომვლელებისთვის, რათა მათ შეძლონ ძაღლების მოძებნა და დაბრუნება. თითოეული ძაღლის ადგილსამყოფელისა და საბოლოო შედეგის — მათ შორის ოჯახში დაბრუნების, აყვანის, დაბრუნების, გადაყვანის ან სიკვდილის — მიკვლევადი ჩანაწერების შენარჩუნება უზრუნველყოფს არსებით გარანტიას უკანონო ეთანაზიისა და ოფიციალური ჩანაწერებიდან ცხოველების დაკარგვის წინააღმდეგ.
4. პრიორიტეტი მიენიჭოს პრევენციას, საზოგადოებრივ უსაფრთხოებასა და პასუხისმგებლიან პატრონობას.
მოვუწოდებთ როგორც პატრონიანი, ისე უპატრონო ძაღლებისთვის ხელმისაწვდომი სტერილიზაციის, ცოფის საწინააღმდეგო ვაქცინაციისა და ვეტერინარული მოვლის პროგრამების ეფექტიანი აღსრულებისა და შეფასებისკენ, მიტოვებისა და უკონტროლო გამრავლების პრევენციულ ზომებთან ერთად. საზოგადოებრივი უსაფრთხოებისთვის რეალური რისკის შემცველი ძაღლების მიმართ ჰუმანურმა, ინდივიდუალურმა მიდგომებმა, პასუხისმგებლიანი პატრონობის, ძაღლებთან უსაფრთხო ურთიერთობისა და სისასტიკის პრევენციის შესახებ საგანმანათლებლო ინიციატივებთან ერთად, სარგებელი უნდა მოუტანოს როგორც ცხოველებს, ისე თემებს. ძაღლების პოპულაციის მდგრადმა მართვამ პრიორიტეტი უნდა მიანიჭოს პრევენციასა და არალეთალურ გადაწყვეტილებებს, ცხოველთა კეთილდღეობის საერთაშორისო სტანდარტების შესაბამისად.
3
საჯარო
1. უზრუნველყოფილი იქნას გამჭვირვალობა და ანგარიშვალდებულება საჯარო ხარჯვასთან დაკავშირებით.
ძაღლების პოპულაციის მართვაზე გამოყოფილ რესურსებზე, კონტრაქტორებისთვის გადახდილ თანხებზე, ვეტერინარულ ჩარევებზე, თავშესაფრის შედეგებსა და პროგრამის გაზომვად შედეგებზე ინფორმაციის რეგულარული გამოქვეყნება საზოგადოებას საშუალებას მისცემს შეაფასოს ეფექტიანობა. დაფინანსების მექანიზმებმა პრიორიტეტი უნდა მიანიჭონ პრევენციას და ცხოველთა კეთილდღეობისა და საზოგადოებრივი უსაფრთხოების მდგრად გაუმჯობესებას და არა უბრალოდ დაჭერილი, დამწყვდეული ან ამოყვანილი ძაღლების რაოდენობას.
გვჯერა, რომ ძაღლების დაცვა, საზოგადოებრივი ჯანმრთელობის დაცვა, პასუხისმგებლიანი პატრონობის მხარდაჭერა და საჯარო სახსრების სათანადო გამოყენება არის ურთიერთშემავსებელი პასუხისმგებლობები და არა კონკურენტული მიზნები.
ის, თუ როგორ ეპყრობა საზოგადოება მოწყვლად არსებებს, განსაკუთრებით მაშინ, როდესაც ისინი საჯარო ხელისუფლების მზრუნველობის ქვეშ იმყოფებიან, ასახავს იმ პასუხისმგებლობის, თანაგრძნობისა და სიცოცხლის პატივისცემის სტანდარტებს, რომელთა დაცვაც მის ინსტიტუტებს მოეთხოვებათ.
მადლობელი ვიქნებით, თუ ელექტრონული ფორმატით, მისამართზე contact@partidulnoa.ro მოგვწერთ წერილობით პასუხს, სადაც ასახული იქნება უკვე მიღებული ან განხილვის პროცესში მყოფი ზომები, პასუხისმგებელი უწყებები, შემდგომი ქმედებების სავარაუდო განრიგი და გამოძიების შედეგების კომუნიკაციის arrangements (ფორმები/პირობები).
პატივისცემით,
ლუჩიან რადი
პრეზიდენტი, პარტია „ბუნების, ადამიანებისა და ცხოველებისთვის“ (NOA), რუმინეთი
contact@partidulnoa.ro
www.partidulnoa.ro

კომენტარები

რედაქტორის რჩევით

“ალოო, კალაძე, იძირება თბილისი” – დატბორილი.ქუჩები და ხალხი მერს
ახალი ამბები

“ალოო, კალაძე, იძირება თბილისი” – დატბორილი.ქუჩები და ხალხი მერს

23:24 08-14-2026
“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან
ახალი ამბები

“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან

15:55 08-14-2026
“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი
ახალი ამბები

“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი

23:28 08-13-2026
„ივანიშვილს მოსკოვიდან გამოატანეს 2 მილიარდი დოლარი საქართველოში რუსული საქმეების გასაკეთებლად“ – გიორგი გუგავა
ახალი ამბები

„ივანიშვილი პირდაპირ ეუბნება ამერიკელებს, რომ სახელმწიფო მე ვარ და მე უნდა დამელაპარაკოთო…“ – კოტე კემულარია

17:04 07-18-2026

ბიზნესი

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის
ახალი ამბები

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის

14:25 11-18-2026
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
ახალი ამბები

თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა

13:55 11-18-2026
„ტვინი: უცნობი სამყარო ჩვენს თავში“ – შეხვედრა ზაალ კოკაიასთან და ალექსანდრე ცისკარიძესთან
ახალი ამბები

„ტვინი: უცნობი სამყარო ჩვენს თავში“ – შეხვედრა ზაალ კოკაიასთან და ალექსანდრე ცისკარიძესთან

12:37 11-18-2026
თიბისის მობაილბანკში ელექტრონული სატენდერო გარანტიის მიღება უკვე ონლაინაა შესაძლებელი
ახალი ამბები

თიბისის მობაილბანკში ელექტრონული სატენდერო გარანტიის მიღება უკვე ონლაინაა შესაძლებელი

12:27 11-18-2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2026 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2026 Alia.ge - All rights reserved