დევნილ ოჯახებს, ვისაც არ აქვთ მიღებული ბინა, შეუძლიათ კომპენსაციის მოთხოვნა – ამის შესახებ ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა. მან თქვა, რომ წლების განმავლობაში კი შენდება კორპუსები, მაგრამ ეს არ არის საკმარისი.
პროცესების ასაჩქარებლად მივიღეთ გადაწყვეტილება: საცხოვრებელი კორპუსების მშენებლობის პარალელურად, შემოვიღოთ დევნილი ოჯახების ნაწილად საცხოვრებლისა ფულადი კომპენსაციით დაკმაყოფილების პროგრამა, რომელშიც ჩართვაც სრულიად ნებაყოფლობითი იქნება.
თითოეულ დევნილ ოჯახს, რომელსაც არ მსურს მიღებული საცხოვრისი, ექნება უფლება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის სააგენტოში შეიტანოს განცხადება საცხოვრებლის ნაცვლად ფულადი კომპენსაციის მიღების შესახებ. კომპენსაციის ოდენობა იქნება 10 000 ლარი დევნილი ოჯახის თითოეულ წევრზე. კომპენსაციები გაიცემა განცხადების შეტანის რიგითობის შესაბამისად.
ამავე პროგრამისთვის მიმდინარე წელს გამოყოფილია 58 მილიონი ლარი და ამ პროგრამის ბიუჯეტი მომდევნო წლებშიც კიდევ უფრო მეტად გაიზრდება. კიდევ ერთხელ აღვნიშნავთ, რომ ფულადი კომპენსაციების გაცემის პარალელურად გაგრძელდება საცხოვრებელი კორპუსების მშენებლობა და სოფლად სახლის პროგრამა იმ დევნილებისთვის, რომლებიც ფულადი კომპენსაციის მიღებაზე არ შეიტანენ განცხადებას.
დარწმუნებულნი ვართ, ჩვენ მიერ შეთავაზებული პროგრამით ათასობით დევნილი ოჯახი ისარგებლებს. თითოეულ დევნილ ოჯახს ვუსურვებთ კეთილდღეობას და მშობლიურ კუთხეში დაბრუნებას, – ამბობს კობახიძე
კომენტარები