88 წლის ასაკში, 24 სექტემბერს გარდაიცვალა ლეგენდარული ფრანგი მსახიობი მარინა ვლადი.
ახლობლების თქმით, ის სახლში გარდაიცვალა – შვილებისა და საყვარელი შინაური ცხოველების გარემოცვაში. მიზეზი ჯერჯერობით არ დასახელებულა.
,იგი 1938 წლის 10 მაისს დაიბადა საფრანგეთში, რუსი ემიგრანტების ოჯახში: მამა ოპერის მომღერალი იყო, დედა კი – ცნობილი მოცეკვავე.
ეკრანზე დაახლოებით 10 წლის ასაკში გამოჩნდა.
1963 წელს მარკო ფერერის ფილმში L’Ape Regina რეგინას როლისთვის კანის კინოფესტივალზე საუკეთესო მსახიობი ქალის ჯილდო მიიღო.
ვლადიმერ ვისოცკი და მარინა 1970 წელს დაქორწინდნენ და ერთად 1980 წლამდე, პოეტის გარდაცვალებამდე ცხოვრობდნენ. ერთი საფრანგეთში იყო, მეორე — საბჭოთა კავშირში, ამიტომ მათი ურთიერთობა ხანგრძლივი განშორებებით იყო სავსე. მოგვიანებით ვლადიმ მოგონებები წიგნად გამოსცა — „ვლადიმერი, ანუ შეწყვეტილი ფრენა“
სულ ოთხჯერ იყო დაქორწინებული: მსახიობ და რეჟისორ რობერ ოსეინზე, ავიატორ ჟან-კლოდ ბრუიეზე, ვლადიმერ ვისოცკიზე და ონკოლოგ ლეონ შვარცენბერგზე, რომელთანაც 23 წელი გაატარა და რომელიც 2003 წელს ღვიძლის კიბოთი გარდაიცვალა.
კომენტარები