რუსეთმა ღამით უკრაინაზე 161 დრონით, მათ შორის 82 რეაქტიული ტიპის შაჰედის უპილოტო საფრენი აპარატით მიიტანა იერიში. კიევზე დარტყმები მიმდინარეობდა, ზაპოროჟიეში კი თავდასხმებმა სავაჭრო ცენტრში მასშტაბური ხანძარი გამოიწვია.
ოთხშაბათს, 23 სექტემბერს, შუაღამისას დაწყებული იერიშის ფარგლებში, რუსულმა ძალებმა კიევს დრონებით რამდენჯერმე შეუტიეს. ღამის განმავლობაში საჰაერო განგაში ოთხჯერ გამოცხადდა, ბოლო გაფრთხილება კი დილის 08:02 საათზე მოიხსნა.
კიევის საქალაქო სამხედრო ადმინისტრაციამ თავდასხმის შედეგად მიყენებული ზიანის შესახებ ინფორმაცია გაავრცელა.
ადმინისტრაციის განცხადებით, დრონით დარტყმის შედეგად ჰოლოსიივის რაიონში მდებარე სასაწყობო ობიექტი დაზიანდა.ასევე რუსული იერიშის შედეგად, დარნიცკის რაიონში ავტოგასამართი სადგურს მიადგა ზიანი. ტელეგრამ არხებზე დაზუსტებული ინფორმაციის მიხედვით, დარტყმა ხარკოვის გზატკეცილზე მდებარე UPG-ის მეორე ავტოგასამართ სადგურზეც მოხდა.
კიევის მერმა ვიტალი კლიჩკომ განაცხადა, რომ, წინასწარი მონაცემებით, სოლომიანკის,ჰოლოსეევსკისა და დარნიცკის რაიონებზე მოხდა შეტევა.რუსული იერიშების შედეგად დაშავდა სამი ადამიანი.
საგანგებო სიტუაციების სახელმწიფო სამსახურის ცნობით, ზაპორიჟიეზე ღამით რუსულმა თავდასხმამ ზაპორიჟიეს სავაჭრო ცენტრში მასშტაბური ხანძარი გამოიწვია. ადგილობრივმა ტელეგრამ არხებმა დაადგინეს, რომ ობიექტი სავაჭრო ცენტრი „ამსტორიაა“, რომელსაც რუსულმა ძალებმა დარტყმა 17 სექტემბერსაც მიაყენეს. მაშველებმა ხანძარი, რომელიც დაახლოებით 6 000 კვადრატულ მეტრს მოიცავდა, სრულად ჩააქრეს. გარდა ამისა, DSNS-ის ცნობით, ხარკოვის ოლქში რვა ადამიანი, მათ შორის ბავშვი, დაშავდა.
კომენტარები