საქართველოში კომპანიის რეგისტრაცია რომ შეძლოთ, აუცილებელია გქონდეთ ოფიციალური იურიდიული მისამართი. ეს არის სახელმწიფოსთან კომუნიკაციის მთავარი არხი, სადაც შემოსავლების სამსახურიდან და სხვა სახელმწიფო უწყებებიდან გაგზავნილი ყველა მნიშვნელოვანი წერილი მიდის.
ის, რაც უნდა იცოდეთ:
- იურიდიული მისამართის გარეშე კომპანიის დარეგისტრირება შეუძლებელია;
- უძრავი ქონების მესაკუთრის ოფიციალური წერილობითი თანხმობა სავალდებულოა;
- IBCCS TAX Georgia კომპანიებს როგორც სარეგისტრაციოდ აუცილებელი იურიდიული მისამართით, ისე სახელმწიფო უწყებებიდან მოსული კორესპონდენციის უსაფრთხო მიღება-გადაგზავნის სერვისით უზრუნველყოფს.
საქართველო ცნობილია, როგორც ბიზნესის კეთებისთვის ერთ-ერთი ყველაზე მიმზიდველი იურისდიქცია. მარტივი საგადასახადო სისტემა, მოქნილი ბიუროკრატია და სწრაფი პროცედურები ასობით უცხოელ და ადგილობრივ ინვესტორს ყოველწლიურად იზიდავს. თუმცა, მიუხედავად იმისა, რომ ბიზნესის რეგისტრაცია ერთი შეხედვით მარტივ პროცესად აღიქმება, პრაქტიკაში არსებობს იურიდიული ნიუანსები, რომელთა იგნორირებამაც შესაძლოა პროცესი მნიშვნელოვნად შეაფერხოს.
რა ეტაპებისგან შედგება კომპანიის რეგისტრაცია საჯარო რეესტრში?
საკუთარი ბიზნესიდეის სისრულეში მოსაყვანად პირველი ნაბიჯი ორგანიზაციულ-სამართლებრივი ფორმის შერჩევა და შესაბამისი დოკუმენტაციის მომზადებაა. კომპანიის შექმნა მოითხოვს დამფუძნებელთა შეთანხმებას წესდებაზე, მართვის ორგანოების სტრუქტურაზე, წილების გადანაწილებასა და ხელმძღვანელი პირის/ორგანოს უფლებამოსილებებზე.
როდესაც ყველა დოკუმენტი მომზადებულია, განაცხადი იგზავნება იუსტიციის სახლში, სადაც მოქმედებს მეწარმეთა და არასამეწარმეო (არაკომერციული) იურიდიული პირების რეესტრი. სწორედ აქ მოწმდება მონაცემები. შპს-ის რეგისტრაციისას მარეგისტრირებელი ორგანო ამოწმებს წარმოდგენილი დოკუმენტების კანონმდებლობასთან შესაბამისობას, მათ შორის სადამფუძნებლო შეთანხმებასა და წესდებას, ასევე იურიდიულ მისამართთან დაკავშირებულ ინფორმაციას.
თუ დოკუმენტაციაში მცირე ხარვეზიც კი აღმოჩნდა რეესტრი რეგისტრაციის პროცესს აჩერებს. ეს დამატებით ფინანსურ დანახარჯებს იწვევს, რაც განსაკუთრებით პრობლემურია უცხოელი ინვესტორებისთვის, რომლებიც საქართველოში შეზღუდული ვადით იმყოფებიან.
რატომ არის კრიტიკულად მნიშვნელოვანი სწორად შერჩეული იურიდიული მისამართი?
ერთ-ერთი ყველაზე ხშირი მიზეზი, რის გამოც შეფერხება წარმოიქმნება, არის იურიდიული მისამართი. საქართველოს კანონმდებლობით, ყველა იურიდიული პირი ვალდებულია ჰქონდეს ოფიციალური მისამართი ქვეყნის ტერიტორიაზე. ეს არის ადგილი, სადაც კომპანია იურიდიულად არსებობს და სადაც სახელმწიფო ორგანოები ოფიციალურ შეტყობინებებს გზავნიან.
მისამართის დარეგისტრირებისთვის აუცილებელია უძრავი ქონების მესაკუთრის ოფიციალური თანხმობა (ნოტარიულად დამოწმებული ან პირადად დაფიქსირებული რეესტრში) ან/და იჯარის ხელშეკრულება. ხშირად, დამწყები მეწარმეები სარგებლობენ ისეთი მისამართებით, სადაც შეტყობინებებს არავინ იღებს.
ეს კომპანიას მნიშვნელოვან რისკს უქმნის: თუ ოფიციალური წერილი კომპანიის რეგისტრირებულ იურიდიულ მისამართზე ვერ ჩაბარდა, კანონმდებლობით გათვალისწინებულ შემთხვევებში ის შესაძლოა მოგვიანებით მაინც ჩაბარებულად ჩაითვალოს. შედეგად, კომპანიამ შეიძლება დაგვიანებით გაიგოს საგადასახადო ვალდებულების, ჯარიმის ან სასამართლო დავის შესახებ და რეაგირებისთვის განსაზღვრული ვადა უკვე ამოწურული დახვდეს.
იურიდიული მისამართის იჯარა და დისტანციური რეგისტრაციის სერვისები
საერთაშორისო კომპანიებისა და სტარტაპებისთვის, რომლებსაც არ სჭირდებათ ფიზიკური საოფისე ფართის დაქირავება, იდეალური გამოსავალია იურიდიული მისამართის იჯარის სერვისი.
ახალი ბიზნესის დაფუძნებისას IBCCS უზრუნველყოფს: გამართულ კომპანიის რეგისტრაციას, ოფიციალურ იურიდიულ მისამართს, შემდგომ საბუღალტრო მომსახურებას და სახელშეკრულებო სამართლის მხარდაჭერას.
პროფესიონალური მხარდაჭერა განსაკუთრებით ღირებულია მაშინ, როდესაც დამფუძნებლებს სურთ პროცესის სრულიად დისტანციურად წარმართვა. ნოტარიულად და საჭიროების შემთხვევაში აპოსტილით დამოწმებული მინდობილობის საფუძველზე, შესაძლებელია ბიზნესის გახსნა, საბანკო ანგარიშების მომზადება და საგადასახადო რეგისტრაცია ინვესტორის საქართველოში ჩამოსვლის გარეშეც. ეს ზოგავს დროს და უზრუნველყოფს, რომ ყველა იურიდიული პროცედურა ხარვეზების გარეშე, კანონის სრული დაცვით განხორციელდეს.
დარეკეთ ნომერზე +995 32 24 24 837 და დაჯავშნეთ კონსულტაცია IBCCS TAX Georgia-ს გუნდთან.
ხშირად დასმული კითხვები
რა არის იურიდიული მისამართი და რატომ სჭირდება ის კომპანიას?
იურიდიული მისამართი არის კომპანიის ოფიციალური ფიზიკური მისამართი საქართველოში, რომელიც საჯარო რეესტრში რეგისტრირდება. სწორედ ამ მისამართზე იგზავნება კომპანიისთვის განკუთვნილი ოფიციალური წერილობითი კორესპონდენცია. ამიტომ მნიშვნელოვანია, რომ მითითებულ მისამართზე შეტყობინებების მიღება შესაძლებელი იყოს.
შემიძლია თუ არა ჩემი საცხოვრებელი ბინა გამოვიყენო იურიდიულ მისამართად?
დიახ. თუ ბინის მესაკუთრე თავად ხართ, დამატებითი თანხმობის წარდგენა, როგორც წესი, საჭირო არ არის. თუ ბინა სხვა პირის საკუთრებაა, იურიდიულ მისამართად მისი გამოყენებისთვის საჭიროა მესაკუთრის სათანადო ფორმით დადასტურებული თანხმობა ან/და ბინით სარგებლობის უფლების დამადასტურებელი შესაბამისი დოკუმენტი. შპს-ის დარეგისტრირება სწორედ ასეა შესაძლებელი.
რა ხდება, თუ იურიდიულ მისამართზე ოფიციალურ წერილებს ვერ ვიღებთ?
თუ კომპანია იურიდიულ მისამართზე გაგზავნილ ოფიციალურ წერილს ვერ ნახავს, შესაძლოა მნიშვნელოვანი ინფორმაცია დროულად ვერ გაიგოს. ამან კი შესაძლოა დაჯარიმება გამოიწვიოს.
(R)
კომენტარები