თიბისი ერთადერთი ბანკია საქართველოდან, რომელმაც Euromoney-ს ჯილდო საუკეთესო კორპორატიული ბანკის კატეგორიაში უკვე მესამედ მოიპოვა.
საერთაშორისო ფინანსური გამოცემის აღიარება კიდევ ერთხელ ადასტურებს თიბისის ლიდერულ პოზიციას კორპორატიული საბანკო მომსახურების ბაზარზე, სადაც ბანკს 43%-იანი წილი აქვს დაკრედიტების მიმართულებით.
Euromoney-მ თიბისი გამორჩეული შედეგების, ინოვაციების, ციფრული ტრანსფორმაციისა და მომხმარებელზე ორიენტირებული მიდგომისთვის დააჯილდოვა. თანამედროვე ტექნოლოგიების დანერგვით ბანკი ამარტივებს ბიზნეს პროცესებს პარტნიორებისთვის; კომპანიებს სწრაფ და შეუფერხებელ სერვისებს აწვდის და მათი ბიზნესის უწყვეტობას უზრუნველყოფს.
2025 წელს თიბისიმ კორპორატიული ბანკინგის საოპერაციო მოდელში ხელოვნური ინტელექტის ინსტრუმენტები, მათ შორის AI Analyst Copilot, დანერგა, რომელმაც საკრედიტო დოკუმენტაციის მომზადების პროცესი ავტომატიზებული გახადა. ხელოვნური ინტელექტისა და პროცესების
გაუმჯობესების შედეგად, დაფინანსების გაცემის დრო წლიურად 11%-ით შემცირდა.
ბანკმა ასევე დანერგა უცხოურ ვალუტაში ვაჭრობის ონლაინ მოდული, რომელიც მომხმარებლებს ინტერნეტ- და მობაილბანკში რეალურ დროში კურსის შეთანხმებისა და ტრანზაქციების შესრულების შესაძლებლობას აძლევს. ამ განახლებებმა გაზარდა ოპერაციული ეფექტიანობა და კიდევ უფრო გააუმჯობესა მომხმარებლის გამოცდილება.
კორპორატიულ მომხმარებლებთან ურთიერთობის მართვის (CRM) სისტემის განვითარებამ კი ბანკს შესაძლებლობა მისცა, ბიზნესების საჭიროებებზე კიდევ უფრო მეტად მორგებული შეთავაზებები შეექმნა. შედეგად, ბიზნესწინადადებების 70% ახალ თანამშრომლობაში გადაიზარდა.
„ვამაყობთ, რომ Euromoney-ს ნომინაციაში – საუკეთესო კორპორატიული ბანკი – ყოველ ჯერზე თიბისი იმარჯვებს. ეს კიდევ ერთი დადასტურებაა, რომ კორპორატიული ბანკინგის ბაზრის ლიდერები ვართ – თიბისი პირველია კორპორატიულ დეპოზიტებში, სესხებსა და ვაჭრობის დაფინანსების მიმართულებაში. 6 700-ზე მეტი კორპორატიული მომხმარებელი გვყავს და ეს ნიშნავს, რომ საქართველოში უმსხვილესი ბიზნესები სწორედ ჩვენ გვენდობიან.
Euromoney-ს ჯილდო ჩვენი გუნდის ყოველდღიური მუშაობის, ინოვაციებისა და მომხმარებლებთან გრძელვადიანი პარტნიორობის შედეგია. ბიზნესის საჭიროებებზე მორგებული გადაწყვეტილებებითა და საუკეთესო გამოცდილების შექმნით ვაგრძელებთ კერძო სექტორთან პარტნიორობას და ქვეყნის ეკონომიკის განვითარებას,“ – მერი ჩაჩანიძე, თიბისის კორპორატიული საბანკო ბიზნესის
მართვის დირექტორი.
(R)
კომენტარები