ჟურნალისტმა ირაკლი ტაბლიაშვილი „ფორმულა“ დატოვა. ამის შესახებ თავად წერს სოციალურ ქსელში:
„საჯაროდ საინტერესო არაა მიზეზები, რომელთა გამოც აღარ ვმუშაობ ფორმულაში – საუკეთესო იმ არხზე, რომელიც უნდა გადარჩეს და გადარჩება კიდეც!
Left the job – არც საქმნელად აღმოჩნდა იოლი და არც სათქმელად; მაგრამ, ეს ჩემი გადაწყვეტილებაა.
“ფორმულა”, აკი გითხარით, საუკეთესო არხია! ბრძოლის წინა ხაზზე მდგომი! და მე დიდად კი არ ვუგულშემატკივრებ მას, არამედ, ყველაფერს გავაკეთებ, რომ გაიმარჯვოს!
დიდად ვაფასებ ყველას, ვინც არხზეა – განსაკუთრებით ახალ თაობას; რომელსაც უციმციმებს თვალები იმედით, რომ ჟურნალისტიკის გაკეთების შესაძლებლობა ექნება! ამ ეტაპზეც შესანიშნავად ართმევენ თავს! მერე და მერე, როცა ეს, რუსეთ-ივანიშვილის მოწყობილი ჯოჯოხეთი დასრულდება, საქართველოს (და არა ქართული) ჟურნალისტიკაც გამოიძერწება, თან – სრულყოფილად! ლურსმნებზე ხელთათმანების დაკიდების დროც მაშინ მოვა!
მანამდე კი, მე, ჩემი ცოდნით; გამოცდილებით; შემართებით და გულისყურით ომახიანად არაერთხელ შევძახებ – საქართველო გაიმარჯვებს, სულ რომ ნაკერებზე გაიხეს რომელიმე ძალაუფალი ფულიანი ან დიდთმიანი!
შევძახებ ამ სიტყვას ჩემი იუთუბ-პლატფორმიდან! Facebook-იდან! ეთერებიდან! არა, ბიჟოს… დავთმობთ ამ ქვეყანას
“ფორმულადან” კი წავედი! სხვათა შორის, შეიძლება დროებით; შეიძლება – არც!
მაგარი არხია! გამორჩეული! მეც მყავს გამორჩეული ფავორიტი კოლეგები არხზე! არ დავასახელებ… იციან დაუსახელებლადაც!
ღმერთი გვფარავდეს!
ძირს რუსეთის დამპალი იმპერია! მისი წანაზარდებიც ძირს…“
კომენტარები