„იმედმა“ ისიც კი დამალა, რომ ღარიბაშვილი ოდესღაც საერთოდ არსებობდა“ – ვიკა ბუკია

ჟურნალისტი ვიკა ბუკია:

„იმედმა“ ისიც კი დამალა, რომ ღარიბაშვილი ოდესღაც საერთოდ არსებობდა.

ვსქროლავ „იმედის“ ფიდს, არაფერი წერია არც მის წერილზე და არც რუსთავის ციხეზე. კაცი, რომელიც წლები ეკრანიდან არ ჩამოდიოდა, ორჯერ იყო პრემიერი და „სისტემის საყრდენი“, ერთ დღეს უბრალოდ ორუელისეულ „მეხსიერების ხვრელში“ ჩააგდეს და უკვალოდ დაწვეს. „იმედის“ რედაქციაში ალბათ მართლაც დგას ის უზარმაზარი ღუმელი, სადაც პარტიის ხაზთან შეუსაბამო ფოტოები თუ ჩანაწერები მყისიერად იფერფლება. ივანიშვილს ალბათ მართლაც წაუკითხეს ორუელი და საინტერესო ადგილები ფანქრითაც მოუხაზეს.

ევროპარლამენტის ანგარიშზე ლექსო თამაზაშვილი რომ გამოხტა და, ეგეც „რადიკალებმა გამოგვიჩალიჩესო“, მანდ საერთოდ მოვიცელე. აი, მართლა ერთადერთი პარტიაა მსოფლიოში, სადაც ცოლისძმა სიძის პოლიტიკურ პატიმრობას ასე გულმოდგინედ ამართლებს და სადაც დაჭერილი ადამიანი მადლობას უხდის დამჭერს. შემზარავი სანახაობა იყო იმის ყურება, თუ როგორ უხდიდა ნუნუკა თამაზაშვილი მადლობას ივანიშვილს.

და ამ სრულიად შოკისმომგვრელი სცენის, ამდენი დუმილის, მონობისა და წამლეკავი უპრინციპობის შემდეგ, ადამიანი ბოლოს და ბოლოს იღებს ხმას. ბრაზი, როგორც ადამიანური საწყისი, სრულიად ბუნებრივი და ნორმალური, ამოხეთქავს, მორჩილებას ჯაბნის და აი, ისიც ახსენებს ივანიშვილს.

„ბატონ ბიძინას“ კი არა, აი, ასე უბრალოდ, „ბიძინა ივანიშვილს“.

ეს იმას ნიშნავს, რომ თითქოს ადამიანურმა საწყისმა გაიმარჯვა მასში. უბრალოდ არაა ნორმალური 5 წლით გსვამდნენ ციხეში და მადლობას იხდიდე. ამ არანორმალური სცენის მაყურებლებისთვისაც არაა ეს ნორმალური სანახაობა.

როგორც ჩანს, მონობას ბოლოში მაინც ყოველთვის ამარცხებს ელემენტარული, მბჟუტავი, თუნდაც დაგვიანებული, მაგრამ ცოცხალი ემოცია, ნატურალური და ნამდვილი „ღარიბასეული“ კახური დედისტრ###ის გინება:)) აიტ, ამოასხა.“