ეროვნული ბანკის ყოფილი პრეზიდენტი, რომან გოცირიძე:
გაირკვა სიმართლე:საწვავი გაუყიდია კომპანია “რეპსოლს”. მას ეკუთვნის ბენზინგასამართი სადგურების ქსელი “კონექტი”. მესაკუთრეა ვინმე უჩა ლურსმანაშვილი. ბენზინგასამართი სადგურები აღებული აქვს იჯარით დეპუტატ ენუქიძის “იბერკომპანიდან”.
ცნობისთვის, 2025 წელს, ნავთობისა და ნავთობპროდუქტების იმპორტიორი TOP-5 კომპანიას შორის “რეპსოლი” იმპორტით მეორე ადგილზე იყო.
კომპანიის რეგისტრაციის თარიღია 04/12/2014. კომპანიის 100%-იანი წილის მფლობელია უჩა ლურსმანაშვილი. ის ასევე არის კომპანია რეპსოლის დირექტორიც. ოფიციალურად კომპანია ქონექთის ავტოგასამართი სადგურების ძირითადი საქმიანობაა ნავთობპროდუქტებით საცალო და საბითუმო ვაჭრობა ბენზინგასამართი სადგურებისა და ნავთობბაზის მეშვეობით.
უჩა ლურსმანაშვილი საქართველოს ნავთობპროდუქტების იმპორტიორთა, მწარმოებელთა და რეალიზატორთა ბიზნეს ასოციაციის დამფუძნებელია.
ფორბსის 2026 წლის მონაცემებით, 46 წლის უჩა ლურსმანაშვილი შედის საქართველოს 100 უმდიდრესი მეწარმეში და 86–ე ადგილზეა ქონებით – 101,76 მილიონი ლარი. ქონების დაგროვების წყაროს ფორბსი კომპანია კონექთს ასახელებს.
2023 წლის მონაცემებით, იგი ასევე ფლობდა შპს ექსას 50%-ს, შპს ოქტანის 100%-სა და შპს ნათიანას 50%-ს. ყველა კომპანია ნავთობპროდუქტების ბაზარზე ოპერირებდა
2023 წელს, საქართველოს კონკურენციისა და მომხმარებლის დაცვის სააგენტომ, ნავთობპროდუქტებით საცალო და საბითუმო ვაჭრობის სექტორში, უჩა ლურსმანაშვილის, შალვა ხუხაშვილისა და ნოდარ ხუხაშვილის მიერ ერთობლივი საწარმოს დაფუძნების გზით განსახორციელებელ კონცენტრაციაზე თანხმობა გასცა.
კომენტარები