“კომიკურია, რომ ასეთი ტრაგიკომიკურია” – გორდულაძე უილსონზე

“ოცნების” წევრმა, არჩილ გორდულაძემ ჯო უილსონს “ტრაგიკომიკური ადამიანი” უწოდა და თქვა:

უბრალოდ კომიკურია, რომ ერთი მხრივ ცდილობდეს ასეთი ტრაგიკომიკური ადამიანი, როგორიც ჯო უილსონია, რომელიც წარმოადგენს პრეზიდენტ ტრამპის პარტიას,  მან თითქოს არ იცის, რომ პრეზიდენტი ტრამპი პირდაპირ აცხადებს, რომ სი ძინ პინი არის მისი მეგობარი, უმნიშვნელოვანესია ჩინეთთან ურთიერთობების, ეკონომიკური ურთიერთობების გაღრმავება, სულ ახლახანს იმყოფებოდა შტატების პრეზიდენტი ჩინეთში და ეს ამერიკისთვის ხელსაყრელია და საქართველოს თითქოს არ აქვს უფლება, რომ პარტნიორული ურთიერთობა ჰქონდეს ჩინეთთან, მათ შორის ეკონომიკურ საწყისებზე. რა თქმა უნდა, როგორც შტატებისთვის, ისევე საქართველოსთვის დივერსიფიცირება ეკონომიკური და პოლიტიკური პარტნიორებისა”, – აცხადებს გორდულაძე. 

აშშ-ის წარმომადგენელთა პალატამ საქართველოში ჩინეთის და რუსეთის გავლენების საწინააღმდეგო კანონპროექტი დაამტკიცა. “კავკასიაში ჩინეთის გავლენის წინააღმდეგ ბრძოლის აქტი“ – ასე ქვია დოკუმენტს, რომელიც 8 ივნისს წარმომადგენელთა პალატამ დაჩქარებული პროცედურით განიხილა და ორპარტიული მხარდაჭერით მიიღო. კანონპროექტი ადმინისტრაციას ავალებს დეტალურად შეისწავლოს საქართველოში რუსეთისა და ჩინეთის დაზვერვის სააგენტოების მოქმედება.

დოკუმენტი ამერიკელმა კონგრესმენებმა ჯო უილსონმა (რესპუბლიკური პარტია) და სტივ კოენმა (დემოკრატიული პარტია) თებერვალში წარადგინეს.