“ბრიტანულ-ქართული აკადემიის” გარშემო მიმდინარე დავის მონიტორინგისას გამოიკვეთა, რომ ნათია ჯანაშიას მხარე დიდ იმედებს ამყარებს ლონდონის სასამართლოს მიერ მისი სარჩელის განხილვაზე. თუმცა, ამთავითვე ცხადია, რომ ინგლისისა და უელსის იუსტიციის უმაღლესმა ბიზნესისა და ქონებრივი საქმეების სასამართლომ შესაძლოა უარი უთხრას ჯანაშიას განხილვის პროცესის დაწყებაზე“, – განმარტავს ახალგაზრდა “ფინანსისტთა და ბიზნესმენთა ასოციაციის” – აფბას ხელმძღვანელი, გიორგი კაპანაძე. შეგახსენებთ, დავა, რომელიც “ბრიტანულ-ქართული აკადემიის” მინორიტარი აქციონერის (30%), ნათია ჯანაშიას მიერ არის ინიცირებული, მათ შორის, ლონდონის სასამართლოშიც მიმდინარეობს.
კაპანაძე აღნიშნავს, რომ არსებობს საკმაოდ მაღალი ალბათობა, რომ ლონდონის სასამართლოშისარჩელის განხილვა არ მოხდეს. “ამა წლის ივლისში ლონდონის სასამართლოში უნდა გაიმართოს სარჩელის დაშვებადობის თაობაზე სასამართლოს განხილვები. პრეცედენტები, როდესაც კონკრეტულად ამ სასამართლოს არ დაუწყია სარჩელის არსებითი განხილვა და უარი უთქვამს მოსარჩელისთვის, უამრავია. ნათია ჯანაშიას უსუსტესი და დაუსაბუთებელი სამართლებრივი არგუმენტები, რომელსაც სარჩელის შეტანიდან დღემდე ვისმენთ, კარგად აღწერს მისი პოზიციის მყიფე საფუძველს. მკაფიოდ ჩანს, რომ მოსარჩელემ მთელი ძალისხმევა სარჩელის პოლიტიკურ ჭრილში გადაყვანასა და ფსევდოემოციურ სენტიმენტებში ჩადო, რაც ისეთი ტრადიციების მქონე სასამართლო სისტემისთვის, როგორიც ბრიტანულია, მიუღებელიდა შეუფერებელია. თვალთმაქცობას და თაღლითობას, შეჯიბრებითობის პრინციპების უხეშ დარღვევას ლონდონში არ პატიობენ“, – ამბობს კაპანაძე.
მისივე თქმით, გარემოებები, რასაც სასარჩელო განცხადება ეყრდნობა დიდწილად მოგონილია, მოკლებულია იურიდიულ არგუმენტაციას, ხოლო სარჩელში წარმოდგენილი მსჯელობა არათანმიმდევრულია და აშკარად ჩანს ავტორთა რეალური განზრახვა, მაქსიმალურად შეფუთონ ის რეიდერული შეტევაა, რომელიც ერთხელ უკვე სარფიანად გაყიდული სკოლის ისევ ხელში ჩასაგდებად აწარმოებენ.
კაპანაძეს მიაჩნია, რომ ლონდონის სასამართლო, სარჩელის განხილვის დაწყების იურისდიქციის დაშვების შემთხვევაშიც კი, აუცილებლად მკაცრ შეფასებას მისცემს ნათია ჯანაშიას მცდელობას, ბიზნესდავა პოლიტიკურ კონტექსტში გადაიყვანოს.
კომენტარები