ნათია ჯანაშიამ 60 მილიონიანი ქონება „ბრიტანულ-ქართულ აკადემიაში“ ინვესტორის შესვლის შემდეგ დააგროვა

„ნათია ჯანაშიამ უზარმაზარი ქონება, რომელიც 60 მილიონს აღემატება „ბრიტანულ-ქართული აკადემიაში“ ინვესტორის სახით „საქართველოს განათლების ჯგუფის“ შესვლის შემდეგ დააგროვა და მისი კეთილდღეობის წყარო სწორედ ინვესტორია. აკადემიის 70%-იანი წილის გაყიდვამ და კეთილსინდისიერი პარტნიორის შემოსვლამ ნათია ჯანაშიას და მისი ოჯახის ცხოვრება რადიკალურად შეცვალა. წილის გასხვისების მეორე დღესვე, ჯანაშიას და მისი მეუღლის ანგარიშზე 30 მილიონი ლარი ჩაირიცხა. ამ ფაქტიდან რამდენიმე წლის გასვლის შემდეგ ჯანაშიას ოჯახის უძრავ-მოძრავი ქონება პროგრესულად მზარდია“, – აცხადებენ „აფბას“ აუდიტორულ სამსახურში.

შეგახსენებთ, აფბა “ბრიტანულ-ქართული აკადემიის” გარშემო მიმდინარე დავის საზოგადოებრივ მონიტორინგს ახორციელებს, რომელიც აკადემიის ყოფილმა დირექტორმა და მინორიტარმა, ნათია ჯანაშიამ სწორედ ინვესტორის –„საქართველოს განათლების ჯგუფის“ წინააღმდეგ წამოიწყო.

რამდენიმე დღის წინ მედიაში გავრცელდა ინფორმაცია, სადაც საუბარი იყო იმაზე, რომ ნათია ჯანაშია დღეს საქართველოს ერთ-ერთი უმდიდრესი ადამიანია და მისი ქონება 60 მილიონ ლარს აჭარბებს.  „კვირა“  დაინტერესდა თუ რა როლი უკავია ჯანაშიას ქონების შექმნაში ინვესტორ კომპანიას და ამ კითხვით აფბას აუდიტორულ სამსახურს მიმართა.

„ცხადია ჯანაშიას აქტივების ზრდაში ინვესტორის ტრანზაქციებს უდიდესი როლი უკავია. პირველ რიგში, გასათვალისწინებელია „ბრიტანულ-ქართული აკადემიის“ 70%-ის გაყიდვის შედეგად მიღებული 30მილიონი ლარი და დარჩენილი 30%-იანი წილის ღირებულება, რომლის გამოსყიდვის შეთავაზებაც 2024 წელს „საქართველოს განათლების ჯგუფს“ აქვს გაკეთებული.

ასევე, გასათვალისწინებელია ის მოგება, რომელიც „ბრიტანულ-ქართულმა აკადემიამ“ 2019-2025 წლებში მიიღო, რა პერიოდშიც აკადემიის საკონტროლო პაკეტს სწორედ „საქართველოს განათლების ჯგუფი“ ფლობდა. ეს ყველაფერი საჯაროა და მონაცემების გაცნობა ნებისმიერ მსურველს შეუძლია „ბრიტანულ-ქართული აკადემიის“ სპეციალურ გვერდზე, რომელიც სახელმწიფო ანგარიშგების პორტალზეა განთავსებული. აქტივების დათვლაში მოხვდა თავად ნათია ჯანაშიას და მისი მეუღლის მიერ ნახსენები ძვირადღირებული ავტომანქანები, კატარღები, საბრძოლო იარაღები. თუმცა, ნუსხის მიღმა დარჩა ძვირფასეულობა, საიუველირო ნაკეთობები, შვეიცარული საათები და სახელგანთქმული დიზაინერების ძვირფასი სამოსი, რომელიც დეკლარირებული არ არის“, – აცხადებენ აფბას აუდიტორულ სამსახურში.

აფბა აგრძელებს ამ მიმართულებით მონიტორინგს და ცვლილებების შემთხვევაში, მოახდენს ქონებრივი და აქტივების მაჩვენებლების კორექტირებას უახლესი ცნობების მიხედვით.