“ახლა თქვენ განსაჯეთ – ბრიტანელი ღარიბი უფრო ღარიბია თუ ქართული საშუალო კლასი?” – ნანა დიხამინჯია

ეს ინფორმაცია ისე იყო მოწოდებული, რომ მოგეჩვენება, თითქოს დიდ ბრიტანეთში ძალიან ბევრი ბავშვია ღარიბი.

სინამდვილეში კვლევა ეხება “შედარებით ღარიბ” ფენას. ასეთი განმარტებაა UK-ში: “შედარებით ღარიბად” ითვლება ოჯახი, რომლის შემოსავალი ქვეყნის მედიანური შემოსავლის 60%-ზე ნაკლებია.

UK-ში ოჯახის წლიური მედიანური შემოსავალია 36700 ფუნტი, ანუ 132000 ლარი. შესაბამისად, შედარებით ღარიბად ითვლება ოჯახი, რომლის წლიური შემოსავალი ნაკლებია წელიწადში 79000 ლარი – თვეში 6600 ლარზე. ასეთი ოჯახი 20%-ია.

ამ ოჯახებს სახელმწიფო ეხმარება სახლის ქირაობისა და კომუნალურების თანხით, ბავშვების კვების ფულით, ასევე სკოლაში უფასო კვებით და უფასო ჯანდაცვით.

მიახლოებით დავთვალე: ოთხსულიან ოჯახს (ანუ ორი ბავშვით), რომლის თვიური შემოსავალი 6600 ლარზე ნაკლებია, რას აძლევს სახელმწიფო:

1. თვეში 800 ფუნტს ანუ 2800 ლარს;

2. დამატებით 200 ფუნტს ორ შვილზე, ანუ 700 ლარს;

3. ბავშვები უფასოდ იღებენ ბაღში და სკოლაში საუზმეს და ლანჩს;

4. წელიწადში 500 ლარი – კომუნალურებში დახმარება;

5. თუ სახლი არ აქვთ, დახმარება ქირაში – რეგიონის მიხედვით 400-დან 1200 ფუნტამდე თვეში.

6. უფასო ჯანდაცვა;

ნორმალური კვება სახლში UK-ში ასეთი ოჯახისთვის საშუალოდ ჯდება 400 ფუნტი თვეში – ანუ 1440 ლარი.

ახლა თქვენ განსაჯეთ – ბრიტანელი ღარიბი უფრო ღარიბია თუ ქართული საშუალო კლასი?