“ჯოხს სუსტზე ტეხავს… ჩემზე კი ნუ ბრაზდებით, ქოც თეიმურაზზე გაბრაზდით” – მაგდა მამუკაშვილი

სამოქალაქო აქტივისტი, მაგდა მამუკაშვილი:

გადავიღე ვიდეო, ვიდეოში ჩანს, რომ პატარა აფეთქება მოხდა და ამიტომ სახანძრომ უკან დაიხია და მეხანძრემ აირწინაღი გაიკეთ, რათა სახე არ დაწვოდა, ამ ამბავს დასჭირდა 2:40 წუთი, ბოლოს რომ ერთი მისხმით ჩააქრო ის ხის გორგოლაჭებიანი ყუთი, აღფრთოვანებული ვამბობ, ვა რა მალე ჩააქრო-მეთქი. ეს ვიდეო დავდე ფეისბუქზე, როგორც ხანძრის ჩაქრობა, მიმაჩნდა, რომ საინტერესო პროცესს შევესწარი. კომენტარებში ეს მეხანხრეები გაილანძღნენ, რა ნელა მოძრაობენო. ნუ ახლა, საჯარო სერვისია და ყველას აქვს აზრის გამოხატვის უფლება. აი ფეისბუქზე რომ ვიდეოს უყურებ და 2:40 წუთი ხანძარი არ ქრება, ცხადია მოგეშლება ნერვები, ადგილზე ეს დრო ასე ტრაგიკული არ ჩანდა.

როგორც ამიხსნეს კომპეტენტურმა ადამიანებმა, უფრო სწრაფად უნდა მომხდარიყო მოქმედება, აირწინაღი წინასწარ უნდა გაეკეთებინათ მეხანხრეებს, მანქანების მოძრაობა უნდა შეეჩერებინა პატრულს და ამ შემთხვევაში უკვე პრეტენზია ამ ჩაქრობაზე არ ექნებოდათ. პრინციპში გასაგებია, თუ რაიმე საჯარო სერვისი არ ვარგა, იმის ჩვენება და გამოსწორება ხომ ყველას ინტერესში უნდა იყოს არა?

მაგრამ რა მოხდათ იცით? რამდენიმე ადამიანი შემომივარდა კომენტარებში და მლანძღავს ვიდეოს გასაჯაროებისთვის, მეუბნებიან, რომ მეხანძრეები სამსახურიდან გაუშვეს ამ ვიდეოს გამო და მე საშინელება გავაკეთე.

საგანგებო სიტუაციების მართვის სამსახურის უფროსი თეიმურაზ მღებრიშვილია, ეს არის ადამიანი, რომელსაც შს მინისტრის მოადგილის პოზიციაზე 2016 წელს პრემიერზე, პრეზიდეტზე, შს მინისტრზე, და ყველა მინისტრზე მეტი ანაზღაურება ჰქონდა. აშკარაა, რომ ეს კაცი სუფთა კაცი არ უნდა იყოს და კონტაქტები უნდა ჰქონდეს ქვეყნის უზურპატორთან, ბიძინა ივანიშვილთან. ამით აიხსნება სწორედ ის, რომ ნაცვლად ბრიგადების გადამზადებისა, მან მარტივი გზა მონახა და სამსახურიდან გაათავისუფლა მეხანძრეები. მაშინ როცა ათასობით მოძალადე პოლიციელს აჩერებენ სისტემაში, ამ გადაცდომის გამო მეხანძრეების გაშვება სისტემისთვისაც სრულიად უსამართლო გადაწყვეტილებაა.