,, მესმის, რომ უმრავლესობა სრულ ბნელსა და უკუნში იმყოფებით…” – რუსუდან შარაძე

გურამ შარაძის შვილი, რუსუდან შარაძე სოციალურ ქსელში წერს:

,,ჩემო უსაყვარლესო მეგობრებო, გამომწერებო, შემთხვევით შემოსულებო!

ერთხელ და სამუდამოდ, უნდა ჩამოვყალიბდე და თქვენც გაგაგებინოთ, თორემ უსამართლოდ ვიქცევი იმისდა მიხედვით, თუ რომელ ფეხზე წამოვდგები დილით. ასე არ შეიძლება, თქვენც გაზიანებთ და საკუთარ თავსაც ტკივილს ვაყენებ, რადგან ჩემს უსამართლო ქცევას მერე მე თვითონ განვიცდი.

ისევისე ხუთჯვრიან, სატანურ დროშაზე გელაპარაკებით, რომელიც დღეს, საქართველოს სახელმწიფო ატრიბუტად აქვს აღიარებული.

ვინც თვალი ადევნა ჩემს კვლევას, რომელზეც სამი თვის განმავლობაში თავაუღებლად ვმუშაობდი, დარწმუნდა, რომ ეს უცხო დროშა, ჯერ კიდევ, 1982 წელს, მოსკოველმა თაღლითმა — ოლეგ ტარნოვსკიმ, პროვოკაციულად შემოგვიგდო, ხოლო 90-იანი წლებიდან, უკვე ქართველი თაღლითების ბანდამ: აკადემიკოსმა დავით მუსხელიშვილმა, კინორეჟისორმა ელდარ შენგელაიამ, სანტექნიკოსმა დავით კლდიაშვილმა და დიზაინერმა მამუკა გონგაძემ, საერთაშორისო თაღლითების ზურგით, ძალადობითა და გაუგონარი სითავხედით შემოგვასაღეს. ისიც კარგად დაინახეთ, რომ საქართველოს ამომგდები სააკაშვილი ამ დროშასთან მხოლოდ იმ კავშირშია, რომ ეს არამზადა უცხოელი „ხუთჯვრიანელების“ ბოლო იმედი იყო — მისი ხელით, ჯერ სახელმწიფო გადატრიალება მოახდინეს და სულ მალე, თავიანთი სიმბოლო მთელ საქართველოს დაახურეს თავზე!
დღემდე ახურავს!

მესმის, რომ უმრავლესობა სრულ ბნელსა და უკუნში იმყოფებით, რადგან ან არ გინდათ გაგება, ან წაკითხვა გეზარებათ, ან კიდევ წაკითხულიდან აზრი ვერ გამოგაქვთ, თუმცა ეს ჩემთვის შეღავათი არ არის.

გასაგებია ისიც, რომ სახელმწიფო ჩემს ჭკუაზე ვერ ივლის, ვერც თქვენ მოიქცევით ჩემი სურვილების მიხედვით და არავითარი პრეტენზია არა მაქვს, ვინ შეუშვებს ყურში და ვინ არა. სამაგიეროდ, სრული უფლება მაქვს, ჩემს საკუთარ გვერდზე, რაც მინდა ის ვაკეთო.

კიდევ ერთხელ გეუბნებით, რომ მამაჩემის მკვლელობის ერთ-ერთი მიზეზი ამ დროშის წინააღმდეგ მისი კანონიერი, სასამართლოს გზით ბრძოლა იყო, რომლშიც გაიმარჯვა! ვისაც გაგება არ გნებავთ, ნუ გაიგებთ! ასე არ გესმოდათ, რასაც 2007 წლის 20 მაისიდან ვამტკიცებდი, მაგრამ მოგიწიათ გაგება. ყოველ შემთხვევაში, ეს ჩემი პრობლემა არ არის.

კ ა ტ ე გ ო რ ი უ ლ ა დ მოვითხოვ — ნუ მიხატავთ გურამ შარაძის მკვლელების სატანურ დროშას! სულ რომ სითბოში დაიღვაროთ, წავშლი ყველა კომენტარს, სადაც მამაჩემის მკვლელების სიმბოლო იქნება გამოხატული, თან სიყვარულის ნიშნად! და არამარტო კომენტარს წავშლი, არამედ მიგაყოლებთ თქვენც, ისე, რომ ბოდიშსაც არ მოვიხდი.

დიდი იმედი მაქვს, ამას მაინც წაიკითხავთ და გაითვალისწინებთ.“