ზურაბიშვილი: “ოცნება” თვლის, რომ მე ჩავედი საფრანგეთში, იმ ღამესვე დავწერე რეზოლუცია და მივაღებინე კიდეც – ამ ფაქტმა გამახალისა

გამახალისა იმ ფაქტმა, რომ “ოცნება” თვლის, რომ მე ჩავდივრ საფრანგეთში, ნახევარი დღე იქ ვარ და საღამოსვე უკვე დავწერე და მივაღებინე – ასე ეხმაურება საქართველოს მეხუთე პრეზიდენტი “ოცნების” წევრების განცხადებებს, რომლებიც ფიქრობენ, რომ საფრანგეთის პარლამენტის მიერ მიღებული რეზოლუცია სალომე ზურაბიშვილის შედგენილია.

როცა საფრანგეთი იღებს რეზოლუციას, ეს არ არის ჩემი დაწერილი – განაცხადა სალომე ზურაბიოშვილმა ფბ-ლაივში, სადაც ის მოქალაქეების კითვებს პასუხობდა.

საქართველოს მეხუთე პრეზიდენტმა ასევე ახსნა, რატომ დადის ევროპაში პარტნიორებთან შეხვედების გასამართად.

“გამახალისა იმ ფაქტმა, რომ “ოცნება” თვლის, რომ მე ჩავდივრ საფრანგეთში, ნახევარი დღე იქ ვარ და საღამოსვე უკვე დავწერე და მივაღებინე.  ჩემი რაიმე ჩარევა არ სჭირდებათ იმისთვის, რომ სანქციები ან მიიღონ არ წარადგინონ და ა.შ. 

მე იმისთვის დავდივარ საზღვარგარეთ, რომ დავრწმუნდე და ისინიც დავარწმუნო იმაში, რომ როგორც კი ჩვენი დრო დადგება – ესე იგი, ჩვენ შევცვლით ამ არაპროევროპულ, პრორუსულ რეჟიმს ნორმალური რეჟიმით – რომ ჩვენი გზა ევროპისკენ ძალიან სწრაფად და თანმიმდევრულად აღდგება;

როცა საფრანგეთი იღებს რეზოლუციას, ეს არ არის ჩემი დაწერილი. როცა ბრიუსელი იღებს რარაც გადაწყვეტილებას, ეს არ არის ვიღაცის შთაგონებული.ეს არის პასუხი “ოცნების” გადაწყვეტილებებზე, ივანიშვილის ქმედებებზე”, – განაცხადა ზურაბიშვილმა. 

საფრანგეთის ეროვნულმა ასამბლეამ “ქართული ოცნების” წინააღმდეგ რეზოლუცია დაამტკიცა – რეზოლუციას მხარი 68 დეპუტატმა დაუჭირა და 28 კი წინააღმდეგი იყო.