“ევროპული საქართველოს” დეპუტატმა გიგა ბოკერიამ პრემიერმინისტრ გიორგი გახარიას მიმართა:
“მორიგი რიხიანი სადღეგრძელო მოვისმინეთ, რომ ეს კოვიდ-პანდემია უნდა ვაქციოთ შესაძლებლობად.
ერთი საკითხია, რაზეც მინდა, მკაფიო და რაიმე გონივრული ახსნა მოისმინოს საზოგადოებამ.
ახლა, ჩვენ როცა ვსაუბრობთ, ევროკავშირი განიხილავს იმას, რომელ ქვეყნებს გაუხსნას რეგულარული ფრენებისთვის თავისი სივრცე, რაც ჩვენთვის ძალიან მნიშვნელოვანია.
ყველა ინფორმაციით, რაც მედიაშიც გამოვიდა, დადებითად გადაწყდება საქართველოსთვის, რაც არის ძალიან კარგი – თავისუფალი სამყარო ხელს კიდევ ერთხელ გამოგვიწვდის, რომ შანსი გვქონდეს, სწრაფად გამოვიდეთ ამ უბედურებიდან.
ამის პარალელურად, თქვენმა მთავრობამ გამოაცხადა, რომ კიდევ ერთი თვით ხურავს რეგულარული ფრენებისთვის სივრცეს, ვერ გავიგე, აგვიხსენით, რას ერჩით ხალხს, ბიზნესს, მეწარმეებს, მოქალაქეებს, ყველას?
უმძიმესი მდგომარეობაა, უნდა დავეხმაროთ და შესაძლებლობა იყოსო… ევროკავშირი გვიხსნის და თქვენ ხურავთ ქვეყანას რეგულარული ფრენებისთვის? მათ შორის იმ ქვეყნებში, სადაც ეპიდვითარება არის კარგი – ბალტიისპირეთი, პოლონეთი. რითი აიხსნება ეს, პოლიტიკური სიბრიყვით თუ რამე საიდუმლო ჩანაფიქრი გაქვთ, აგვიხსენით, ეს როდემდე უნდა გაგრძელდეს?”
ევრონიუსის ინფორმაციით, საქართველო იმ ქვეყნებს შორის არის, რომელსაც ევროკავშირი პირველი ივლისიდან საზღვრებს გაუხსნის, თუმცა, საქართველოს მთავრობამ საერთაშორისო ფრენებისთვის საჰაერო სივრცე კიდევ ერთი თვით ჩაკეტა.
ტაბულა
კომენტარები