“აბსოლუტური სისულელეა, მაგ პარტიის [ენმ-ს] წევრი არასდროს ვყოფილვარ, ერთ კადრი მაინც თუ აქვთ ან მაგათ ყრილობაზე რომ ვარ… [მიხეილ სააკაშვილის ფოტო] ეგ მე რომ დავინიშნე ელჩად, დამხვდა იქ იმიტომ, რომ მაშინდელი კაბინეტის მოწყობა როგორი უნდა ყოფილიყო ელჩის, დამტკიცებული იყო საგარეო საქმეთა სამინისტროს მიერ. შევედი და დავჯექი, მე კი არ დავკიდე ის. [ჩამოხსნა] არ შემეძლო, იმიტომ, რომ რა არის აუცილებელი ატრიბუტიკა საგარეო საქმეთა სამინისტრო წყვეტდა და ეს იყო სტანდარტი. მე ვიყავი არაპოლიტიკური თანამდებობის პირი, ცხრაასჯერ განვმარტე და ბევრი გაუნათლებელი ამას ვერ ხვდება და რა ვუყო ახლა”
ცნობისთვის, შარმანაშვილი წინა ხელისუფლების პერიოდში, შემდეგ თანამდებობეზე იყო დასაქმებული:
2004-2005 წლებში იყო ქ. თბილისის საოლქო სასამართლოს მოსამართლე. 2005-2006 წლებში მუშაობდა ცენტრალურ საარჩევნო კომისიაში სპეციალისტის თანამდებობაზე. 2006-2009 წლებში მუშაობდა გაეროს განვითარების პროგრამა – დეცენტრალიზაციის ხელშეწყობის პროექტის ანალიტიკოსად. 2009-2010 წლებში იყო სახელმწიფო საკონსტიტუციო კომისიის მდივანი. 2011.03-2016 წლებში იყო საქართველოს საგანგებო და სრულუფლებიანი ელჩი სომხეთის რესპუბლიკაში.
დღეს პარლამენტში პარტია “გახარია – საქართველოს” დეპუტატებმა თენგიზ შარმანაშვილის ბანერი მიიტანეს, რომელზეც დატანილი იყო შარმანაშვილის ძველი ფოტო, მისი სამუშაო კაბინეტიდან, სადაც ის მიხეილ სააკაშვილის ფოტოს ფონზე იჯდა. ამ დროს შარმანაშვილი ერთ-ერთ ქვეყანაში საქართველოს ელჩად იყო დანიშნული.
კომენტარები