თბილისის საკრებულოს წევრი, კოტე ზარნაძე .წ. კანონიერი ქურდის, ნოდარ ჩუკაკიძის დაკავებულ ძმასთან, ლევან შუკაკიძესთან მეგობრობას არ უარყოფს და ამბობს, რომ “როგორც საყრდენი” არ განიხილავდა.
ძალიან ბევრ ადამიანს ვიცნობ ამ ქალაქში და არავისთან ახლობლობას და მეგობრობას არ უარვყოფ. გლდანში გავიზარდეთ, ერთ უბანში გავიზარდეთ და ეს ყველა უბანში ასე ხდება…
დარწმუნებული, რომ როგორც მეგობარი საყრდენს ისე კი არ მეკითხებით, არამედ როგორც სუბკულტურის წარმომადგენელს, რასაც კატეგორიულად უარვყოფ. ჩვენთან, პოლიტიკურ ველზე არცერთი სუბკულტურის სხვადასხვა წარმომადგენელი, როგორც საყრდენი არ აღიქმებოდა. აღიქმებოდა, როგორც მეგობარი”, – აცხადებს კოტე ზარნაძე ტვ პირველთან.
ქურდულ სამყაროსთან კავშირში მყოფი დაკავებულების საქმე 4 ეპიზოდად დაიყო. არცერთ ეპიზოდზე ჯერ სასამართლოს არ უმსჯელია.
ქურდულ სამყაროსთან კავშირში მყოფი 44 პირია დაკავებული. კიდევ 7 პირს კი ბრალი წარედგინა – ნაწილს პენიტენციურ დაწესებულებაში, ნაწილს კი დაუსწრებლად, მათ შორის ორი საზღვარგარეთ მყოფი ე.წ. კანონიერი ქურდია.
საქმეში ფიგურირებენ ე.წ. კანონიერი ქურდები – ნოდარ შუკაკიძე და ლევან მარღია.
ლევან შუკაკიძის და მისი დაჯგუფების დასაკავებლად სპეცოპერაცია გლდანში ჩატარდა.
გამოძიების მტკიცებით, ისინი კრიმინალურ დავებს “არჩევდნენ”, ასევე კონკრეტულ პირებს მათი ნების საწინააღმდეგოდ, ინტერნეტ ბანკის საშუალებით ააქტიურებინებდნენ სესხებს და საკუთარ ანგარიშზე არიცხვინებდნენ.
კომენტარები