,, დღეს ივანიშვილს რომც მოუნდეს ძალაუფლებიდან წასვლა, აღარ შეუძლია” – ნინო ჯანგირაშვილი

ჟურნალისტი ნინო ჯანგირაშვილი:

,,როცა ვამბობთ, რომ ივანიშვილმა დიქტატურა დაამყარა, და თან რაღაცნაირად, ლაითად ვუყურებთ მისი გაშვების ამბავს, არ არის სწორი. ივანიშვილს ის ზღვარი უკვე გადალახული აქვს, როცა მისთვის ძალაუფლების დათმობა უბრალოდ ცხოვრების წესის შეცვლის საკითხია. ძალაუფლების დაკარგვა მისთვის უკვე სიკვდვილ–სიცოცხლის ამბავი შეიძლება იყოს. მართალია, მისი რეჟიმი ცოტა კომიკურად გამოიყურება სხვა დიქტატურებთან შედარებით, მაგრამ სტრუქტურულად ყველა დიქტატურა რაღაცით ერთმანეთს გავს.

ივანიშვილი არც პირველი იქნება და არც უკანასკნელი, ვისაც რეჟიმი ჩამოემხობა, თან შეიძლება სულაც ისეთ დროს, როცა საერთოდ არ ელის. მაგრამ საინტერესოა რა მოტივები და რა შიშები ამოძრავებს დღეს მას. როგორ უყურებს და ითვლის რისკებს. მისი სიტუაცია პრინციპში ქრესტომათიულია. დაახლოებით ერთი წლის წინ ერთი წიგნი წავიკითხე – გერმანელი პოლიტოლოგის და მკვლევარის, მარსელ დირსუსის “როგორ ემხობიან ტირანები და როგორ გადარჩებიან ერები“ წიგნი არის იმაზე, როგორ ინარჩუნებენ დიქტატორები ძალაუფლებას, სად ჩნდება მათი სისუსტე და რა ხდება მაშინ, როცა რეჟიმი ირყევა.

მომინდა, რომ ბევრ ადამიანს წაეკითხა საქართველოში. იმდენად, რომ საავტორო უფლებაც კი მოვიპოვე, უფრო სწორად, წინასწარი შეთანხმება, მაგრამ წიგნის გამოსაცემად ფულის მობილიზაციისთვის ნამდვილად არ მეცალა ეს პერიოდი და შევეშვი. ამ დღეებში ისევ გამახსენდა ეს წიგნი და ერთი თავი უბრალოდ ავდექი და ვთარგმნე ქართულად. სახელად ქვია – დიქტატორის სარბენი ბილიკი. ამ ბილიკზე ასული ადამიანისთვის ჩამოსვლა უსაფრთხო აღარ არის. ძალიან ბევრი რისკები ახლავს. დღეს ივანიშვილს რომც მოუნდეს ძალაუფლებიდან წასვლა, აღარ შეუძლია. ამიტომ, მოგვიწევს ცოტა დავეხმაროთ…”