„ბევრი გამოწვევები გვაქვს საფრანგეთში, მწვავე გამოწვევები, რომლებზეც პარლამენტში საუბარი არ მიმდინარეობსო და თურმე საქართველოს ჭორაობაზე დაფუძნებული დოკუმენტის განხილვას იწყებენ“

197

„ოცნების“ დეპუტატი, მარიამ ლაშხი საფრანგეთის ასამბლეის რეზოლუციაზე ამბობს:

„ისტორიულად გვახსოვს, რომ თუ ვინმე ჰყავდა საქართველოს თავის ისტორიაში ყველაზე უფრო ცუდი დამზიანებელი და მტერი, ყოველთვის ეს სამწუხაროდ ქართველი ადამიანების ხელით ხორციელდებოდა და აქაც ძალიან სამწუხაროა, რომ ქალბატონი სალომე, რომელიც არის ამ რეზოლუციის ავტორი ცდილობს, რომ ეს ზიანი მიაყენოს საფრანგეთის სენატს. […]

ამბობენ თვითონ საფრანგეთის წარმომადგენლები, რომ როდესაც ცდილობ, რომ სხვისი ქვეყანა დაალაგო და იწყებ დასუფთავებასო, პირველ რიგში შენი უნდა დაასუფთაოო და ფაქტი, ძალიან ბევრ კითხვას აჩენს, ის, რომ ძალიან ბევრი გამოწვევები გვაქვს საფრანგეთში, მწვავე გამოწვევები, რომლებზეც პარლამენტში საუბარი არ მიმდინარეობსო და თურმე საქართველოს ჭორაობაზე დაფუძნებული დოკუმენტის განხილვას იწყებენ. […] ეს არის პირდაპირი, უხეში ჩარევა საფრანგეთის მხრიდან”

შეგახსენებთ, საფრანგეთის ეროვნულმა ასამბლეამ “ქართული ოცნების” წინააღმდეგ რეზოლუცია დაამტკიცა – რეზოლუციას მხარი 68 დეპუტატმა დაუჭირა და 28 კი წინააღმდეგი იყო. დოკუმენტის ავტორი, რომელიც საფრანგეთის მთავრობას მოუწოდებს, თავის პარტნიორებთან ერთად ევროკავშირში, განიხილოს ინდივიდუალური სანქციების დაწესება “ქართული ოცნების” წევრებისთვის, საფრანგეთის პრეზიდენტ ემანუელ მაკრონის გუნდის წევრი კონსტანს ლე გრიპია.რეზოლუცია “გმობს საქართველოს მთავრობის ავტორიტარულ მიმართულებას, ფუნდამენტური უფლებების დარღვევას, შეზღუდვებს გამოხატვისა და შეკრების თავისუფლებაზე, და მშვიდობიანი დემონსტრანტების წინააღმდეგ არაპროპორციული ძალის გამოყენებას.” რეზოლუციაში ფრანგი დეპუტატები ივანიშვილის გუნდის წევრებისთვის არა მხოლოდ ევროკავშირის ტერიტორიაზე შესვლის აკრძალვას, არამედ აქტივების გაყინვასაც ითხოვენ.