დოპინგ-სკანდალზე განაჩენი ცნობილია – World Rugby-სა და World Anti-Doping Agency-ის ერთობლივი გადაწყვეტილებით, საქართველოს ნაკრების კაპიტანს, მერაბ შარიქაძეს „რეკრეაციულ ნარკოტიკებსა და სინჯების ჩანაცვლებასთან დაკავშირებულ ორკესტრირებულ სქემაში” მონაწილეობის გამო 11-წლიანი დისკვალიფიკაცია მიესაჯა.
ასევე, დისკვალიფიკაცია მიესაჯა საქართველოს ნაკრების ყოფილ ექიმს, ნუცა შამათავას, რომელსაც სპორტულ სფეროში მოღვაწეობა 9 წლით აეკრძალა.
დისკვალიფიცირებულთა სია ასეთია:
- მერაბ შარიქაძე – 11 წელი
- გიორგი ჭყოიძე – 6 წელი
- ლაშა ხმალაძე – 3 წელი
- ოთარ ლაშხი – 3 წელი
- მირიან მოდებაძე – 3 წელი
- ლაშა ლომიძე – 9 თვე
- ნუცა შამათავა – 9 წელი
მათივე თანახმად, მინიმუმ 5 შემთხვევა იქნა დაფიქსირებული, როდესაც მორაგბეები შარდის სინჯს ცვლიდნენ, რათა ტესტებზე დადებითი პასუხი აეცილებინათ თავიდან.
ჯერ კიდევ მარტში მსოფლიო რაგბიმ გამოაცხადა, რომ ქართულ რაგბიში არსებობდა “ორგანიზებული სქემა, რომელიც რეკრეაციული ნარკოტიკების მოხმარებასთანა და სინჯების შეცვლასთან იყო დაკავშირებული”. გაირკვა ისიც, რომ მორაგბეებს მოსალოდნელ შემოწმებასთან დაკავშირებით, საქართველოს ანტიდოპინგური კომიტეტის წარმომადგენლები აფრთხილებდნენ.
კომენტარები