,, უახლოეს 10,20,30 წელი არანაირი აზრი არ ექნება, ვინ ედგება სათავეში საპატრიარქოს” – ნიკა ქავთარაძე

ემიგრაციაში მყიფი შოუმენი, ნიკა ქავთარაძე:

,,ერთ აზრს გეტყვით, მაქსიმალური მორიდებით და მოწიწებით, იმის მიუხედავად, რომ ჭეშმარიტებაზე აქვს პრეტენზია:
უახლოეს 10,20,30 წელი არანაირი აზრი არ ექნება, ვინ ედგება სათავეში საპატრიარქოს.
რადგან ქართული ეკლესიის რეიტინგი იდგა ილია მეორეს პიროვნებაზე ( მის პიროვნებაზე კამათს აზრი რომ არ აქვს ახლა, ნეტა მიხვდეთ).
თუ აქამდე ქართული ეკლესია იმართებოდა პატრიარქის ავტორიტეტით, ახლა და უახლოეს წლებში მართვა წავა ძალაუფლებით.
შესაბამისად, ზემოთხსენებული ინსტიტუციის რეიტინგი სულ უფრო დაიკლებს და დაიკლებს. ამიტომ გავლენაც ნაკლები ექნება “საზოგადოების ფართო მასებზე”, არ ვგულისხმობ კონკრეტული ეპარქიების აქტიურ მრევლს.
დროის გასვლის და შიდა ბრძოლების შემდეგ, იმედია ნამდვილი მართლმადიდებელი ქრისტიანების რაოდენობა გაიზრდება ორგანიზაციაში და პატრიარქიც იქნება კვლავ სახალხო.
ახლა რასაც უნდა ვდარდობდეთ, არის ერთადერთი:
ქრისტიანობა არის ჩვენი იდენტობის ნაწილი. ჩვენი იდენტობა კი არის მთავარი სამიზნე რუსეთის იმპერიის. რუსეთი ასობით წელია ცდილობს, ქართველის კოდი შეცვალოს, გააყალბოს, მხოლოდ გარეგნულად დატოვოს “ქართველად” ( როგორც ჩეჩნეთში ქნა).
ამიტომ თუ რელიგიაც საბოლოოდ გახდება ამ გაყალბების იარაღი, ქართველის იდეა დამარცხდება. ( აქ არაფერ შუაშია, ბევრი ადამიანი თუ ათეისტია და მაინც ქართველად თვლის თავს).
მოკლედ, თავს ნუ მოვიტყუებთ და გემს მივხედოთ, გემს!”