საქართველოს გენერალური პროკურორის ცნობით, 2024 წელს მიმდინარე აქციების დროს ზვიად მოსიაშვილის, ლევან ხაბეიშვილის და გურამ როგავას მიმართ განხორციელებული ძალადობის ფაქტებზე, იდენტიფიცირებული და დაკავებულია 3 მოქმედი და 1 ყოფილი სპეცრაზმელი. ასევე დაკავებულია დაცვის პოლიციის მოქმედი თანამშრომელი.
უფრო კონკრეტულად, 5 ბრალდებულიდან, 2 იმყოფება პატიმრობაში, სხვადასხვა სისხლის სამართლის საქმეზე მიმდინარე გამოძიების ფარგლებში. ხოლო სამი ბრალდებული დღეს დავაკავეთ, – თქვა მან.
გენერალური პროკურორი ამტკიცებს, რომ მოწმის სახით გამოიკითხე 550–ზე მეტი პირი.
პროკურორი საუბრობს ეპიზოდების მიხედვითაც:
პირველი ეპიზოდი, 2024 წლის 30 ნოემბერს, რუსთაველის გამზირზე შსს–ს განსაკუთრებულ დავალებათა დეპარტამენტის იმჟამინდელმა ორმა თანამშრომელმა, რომელთანა ერთ–ერთი დღეის მდგომარეობით დაცვის პოლიციის თანამშრომელია, ფიზიკურად იძალადა ზვიად მაისაშვილზე, რის შედეგადაც, მაისაშვილმა დაკარგა გონება. ეს კადრები კარგად ცნობილია ქართული საზოგადოებისთვის.
მეორე ეპიზორი, 2024 წლის 30 აპრილს, რუსთაველის გამზირზე აქციის მიმდინარეობისას, შსს–ს განსაკუთრებულ საქმეთა დეპარტამენტის მაშინდელმა თანამშრომელმა, რომელიც დღეის მდგომარეობით არის სახელმწიფო უსართხოების სამსახურის სპეციალური ოპერაციების დეპარტამენტის ერთ–ერთი განყოფილების უფროსი, ასევე შსს–ს განსაკუთრებულ დავალებათა დეპარტამენტის კიდევ ერთმა თანამშრომელმა, ფიზიკურად იძალადეს ლევან ხაბეიშვილზე.
მესამე ეპიზოდი – 2024 წლის 29 ნოემბერს რუსთაველის გამზირზე მიმდინარე აქციის დროს, შსს–ს განსაკუთრებულ დავალებათა დეპარტამენტის თანამშრომელმა ფიზიკურად იძალადა ჟურნალისტ გურამ როგავაზე, რომელიც თავდასხმის მომენტში ახორციელებდა ჟურნალისტურ საქმიანობას.
ხუთივე დაკავებულს ბრალდება საქართველოს სისხლის სამართლის კოდექსის 333–ე მუხლის, მესამე ნაწილის ბ ქვეპუნქტით წარედგინება, რაც გულისხმობს სამსახურეობრივი უფლებამოსილების ძალადობით გადამეტებას, ხოლო როგავას ეპიზოდზე დაკავებულ პირს დამატებით წარედგინება ბრალდება 154–ე მუხლის მეორე ნაწილით, ჟურნალისტისთვის პროფესიულ საქმიანობაში ძალადობით ხელის შეშლის ფაქტზე. წარდგენილი ბრალდებები სასჯელის სახედ და ზომად ითვალისწინებს 5–დან 8 წლამდე თავისუფლების აღკვეთას.
კომენტარები