ქართული ოცნების საგარეო საქმეთა მინისტრმა, მაკა ბოჭორიშვილმა იმედი LIVE-ის ეთერში. გაიხსენა “სასაცილო” ამბავი რა იყო მისთვის, ასევე, თქვა, რა არის მისთვის “ღიმილისმომგვრელი”.
“სასაცილო მცდელობები ახალი არ არის. რამდენიმე წლის წინ ერთ-ერთმა მაღალჩინოსანმა ევროპის ბიუროკრატიიდან ჩემთან საუბრისას ახსენა ასეთი რაღაც – “ახლა თქვენ ჩაგანაცვლებთ სომხეთით, და ნახავთ როგორი იქნება ამბავი”. მაშინ კი ვფიქრობდით, როგორ შეიძლებოდა ჩაენაცვლებინათ ბიუროკრატიას საქართველო სომხეთით, რა ლოგიკით და სად ხდებოდა საქართველოს ჩანაცვლება. შემდგომ ყველაფერი გახდა ცხადი და ნათელი, რა გეგმით მოძრაობდნენ კონკრეტული ადამიანები და კონკრეტული ჯგუფები ბრიუსელის ბიუროკრატიაში.
არა მხოლოდ გზების და მარშრუტების, ხედავთ, ევროინტეგრაციის პროცესშიდაც ცდილობენ გარკვეული კონკურენციის გაჩენას რეგიონის ქვეყნებს შორიც, რაც ასევე ღიმილისმომგვრელია. თავად სომხეთის ხელისუფლებამ არაერთხელ გაუსვა ამას ხაზი და ევროპარლამენტშიც განაცხადა სომხეთის პრემიერმა, რომ ევროინტეგრაციაზე საუბარი როდესაც არის სომხეთისთვის, ჯერ საქართველოა და იქ უნდა შევხედოთ რა და როგორ განვითარდებაო”
კომენტარები