იტალიიდან სამშობლოში დაბრუნებული ქალი დაიკარგა და ოჯახი ეძებს – დეტალები

ირაკლი ლომაია, სოციალურ ქსელში, ავრცელებს ფოტოს და წერს:

მამიდა ცხოვრობს ქუთაისში, ფოთის ქუჩა N38-ში.

დღეს, გამთენიისას დაახლოებით 06:00 საათზე, სახლიდან გავიდა და ამ დრომდე აღარ დაბრუნებულა.

გთხოვთ, განსაკუთრებით ქუთაისში მცხოვრებლებო, ყურადღებით დააკვირდეთ ფოტოს და მაქსიმალურად გააზიაროთ ეს პოსტი. თუ ვინმემ სადმე ნახეთ ან რაიმე ინფორმაცია გაქვთ მისი ადგილსამყოფელის შესახებ, უმორჩილესად გთხოვთ დამიკავშირდეთ.

მივმართავთ თხოვნით ქუთაისის ადგილობრივ პოლიციას – უმორჩილესად გთხოვთ დაგვეხმაროთ მის პოვნაში.

ჩემი წინა პოსტი ემოციურ მდგომარეობაში, შოკისა და მძიმე ინფორმაციის მიღების შემდეგ დავწერე, რადგან მაშინ მითხრეს, თითქოს ის წყალში გადახტა. მოგვიანებით, როდესაც თავადაც გაურკვევლობაში აღმოვჩნდი და შედარებით დავმშვიდდი, ის პოსტი წავშალე, რადგან არ მსურს დაუზუსტებელი ინფორმაციის გავრცელება.

მივმართავ მედიასა და სხვადასხვა გვერდებს გთხოვთ, ნუ ისარგებლებთ ჩვენი ოჯახის მძიმე მდგომარეობითა და სასოწარკვეთილებით. ჩვენ არ ვადასტურებთ მის წყალში გადახტომას, მას არანაირი წინაპირობა არ ჰქონდა ამის.

ვიმეორებ: ჩვენ ამ დრომდე ვეძებთ ჩვენს მამიდას და ნებისმიერი დადასტურებული ინფორმაციის შემთხვევაში თავად მოგაწვდით ცნობებს.