“ვინ ვის რას ჩუქნის, ადამიანები დაასკვნიან… ადამიანების გონიერებაზეა დამოკიდებული, – არა მარტო ღვთის წყალობაზე” – მეუფე გრიგოლი

ფოთისა და ხობის მიტროლიტი, მეუფე გრიგოლი ტვ პირველთან ამბობს:

ვფიქრობ მოაზროვნე ადამიანები თვითონ გააკეთებენ დასკვნას – ვინ ვის ლობირებს და ვინ ვის რას ჩუქნის, ვერ გეტყვით. თითოეული ადამიანი ფლობს იმ უნარს, რომ დასკვნები გააკეთოს. საპატრიარქო არჩევნები თვისობრივად უნდა განსხვავდებოდეს სხვა არჩევნებისგან. 

ყველასთვის მნიშვნელოვანია, რომ გაიმარჯვოს საქართველომ, გაიმარჯვოს ქართველმა ხალხმა, მისმა ხვალინდელმა დღემ და მომავალმა.  როგორ მოხდება ეს – ეს ადამიანების გონიერებაზეა დამოკიდებული. არა მარტო ღვთის წყალობაზე, ჩვენც დიდი პასუხისმგებლობა გვაქვს.

მე გაკვირვებული ვარ – ასეთი მნიშვნელოვანი პროცესია ქვეყანაში, ეკლესიაში და თქვენ გინდათ მე ახლა სხვა მიმართულებით წამიყვანოთ? მეუფე (ზენონი) თუ ამბობს, ეს მისი აზრია რა თქმა უნდა, მე ამაზე რა უნდა გითხრათ. იმდენად მნიშვნელოვან პროცესში ვართ, რომ ყველაფერი უნდა გავაკეთოთ, რომ ღირსეულად წარიმართოს და ეს მაგალითი იყოს ერისთვისაც ერთგვარი. ტესტს ვაბარებთ ახლა ჩვენ, რამდენად ღირსეულად გავივლით ამ რთულ მონაკვეთს ჩვენი ეკლესიისთვის და მართლაც ურთულესი მონაკვეთია”.

ცნობისთვის, გუშინ “ტვ პირველის” ეთერში, “რეაქციაში” დმანისისა და აგარაკ-ტაშირის ეპისკოპოსმა, მეუფე ზენომა მეუფე კანდიტების არჩევის პროცესში ჩარევაზე ისაუბრა, თქვა, რომ კონკრეტული ბიზნესმენები  რამდენიმე მღვდელმთავარს შეხვდნენ და მეუფე შიოსთვის ხმის მიცემა სთხოვეს.