გიორგობის დღესასწაულთან დაკავშირებულით ჩატარებული წირვის შემდეგ ქადაგებისას მოსაყდრე შიომ განაცხადა, რომ სწორედ მომდევნო კვირაში გამოირჩევა ახალი, რიგით 142-ე კათოლიკოს-პატრიარქი. სენაკისა და ჩხოროწყუს მიტროპოლიტს კონკრეტული თარიღი არ დაუსახელებია.
“თქვენ იცით, რომ მომდევნო კვირაში ჩვენ მოგვიწევს დიდი გაფართოებული საეკლესიო კრების ჩატარება, სადაც უნდა მოხდეს ახალი კათოლიკოს-პატრიარქის გამორჩევა. მე მინდა ვთხოვო ჩვენს სამღვდელოებას, ჩვენს საეკლესიო დასს, ყოველ თქვენგანს, ჩვენს ძვირფას მრევლს, რომ გააძლიერონ ლოცვები, რათა ეს დიდი მოვლენა ჩავატაროთ ღირსეულად, მშვიდობიანად, სიყვარულით, რომ ღვთის ნება აღსრულდეს და ყოფილიყოს ჩვენი ეკლესიისა და ერისთვის სასარგებლო არჩევანი და გადაწყვეტილება. წმინდა გიორგის ვევედროთ, პირველ რიგში. წმინდა გიორგი შეგვეწიოს ყველას, მისი უწმინდესობისა და უნეტარესობის სულს და დალოცოს ყოველი ჩვენგანი“,- აღნიშნა მეუფე შიომ.
კომენტარები