ქართული ოცნების გუნდის ლიდერმა, ირაკლი კობახიძემ, საგანგებო ბრიფინგზე, განაცხადა, რომ მდინარაძე ხდება მინისტრი, რომლის პოსტიც აწი უნდა შეიქმნას და ამ მინისტრის მოვალეობა იქნება კოორდინაცია სამართალდამცავ ორგანოებს შორის. კონკრეტულად რა პრობლემები აქვთ სამართალდამცვლებს კოორდინაციაში და როგორ უნდა მოაგვაროს ეს მდინარაძემ – უცნობია.
„მინდა საზოგადოებას გავუზიაროთ აღმასრულებელი ხელისუფლების სისტემაში მნიშვნელოვანი საკადრო გადაადგილების შესახებ. გაცნობებთ რომ საქართველოს მთავრობის სტრუქტურას დაემატება სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა, აღნიშნულ თანამდებობას დაიკავებს მამუკა მდინარაძე, რომელსაც ასევე დაეკისრება ვიცე-პრემიერის მოვალეობა”
ცნობისთვის, სახელმწიფო მინისტრი, უპორტფელო მინისტრი, ცალკეულ, დროებით საკითხთა მოსაგვარებლად დანიშნული პირია მთავრობის შემადგენლობაში.
იგივე ბრიფინგზე კობახიძემ განაცხადა, რომ მაკა ბოჭორიშვილიც ვიცე–პრემიერი ხდება და შესაბამისად, სამი ვიცე–პრემიერი ეყოლება ქვეყანას.
ბრიფინგის მიხედვით, მდინარაძის ადგილს დაიკავებს “გეკა”, გეკას ადგილს – თამაზაშვილი, ხოლო თამაზაშვილის ადგილს ვინ დაიკავებს, კობახიძის თქმით, ჯერ უცნობია.
“გეკა” – სუსში, თამაზაშვილი – შსს–ში, სად გადაჰყავთ მდინარაძე? – ცვლილებები “ოცნების” მთავრობაში
კომენტარები