,, ანაკლიის პორტს დაერქვას პრეზიდენტ ტრამპის სახელი და ის გახდეს “ტრამპის გზის” კარიბჭე დასავლური სამყაროსთვის” – ირაკლი კუპრაძე

,,ლელო – ძლიერი საქართველოს” ლიდერმა, ირაკლი კუპრაძემ საგანგებო ბრიფინგი გამართა. კუპრაძემ წარადგინა პარტიის ინიციატივა, რომელიც “ყველა ჩართულ პირს” მოუწოდებს, რომ ანაკლიის პორტს პრეზიდენტ ტრამპის სახელი დაერქვას:

,,ანაკლიის პროექტი და ყველა დაკავშირებული ხელშეკრულება, უნდა იყოს საჯარო, რათა, არ დავუშვათ რაც მოხდა არაბული ყალბი ინვესტიციის შემთხვევაში. სომხეთ-აზერბაიჯანის შეთანხმების შემდეგ, ამიერკავკასიაში გაჩნდა უმნიშვნელოვანესი საერთაშორისო სატრანზიტო გზა, რომელსაც ეწოდა “ტრამპის გზა”. ამ გზამ ვერ უნდა აუაროს გვერდი საქართველოს, ამის განხორციელება კი შესაძლებელია მხოლოდ ანაკლიის პორტის აშენებით, რაც იქნება “ტრამპის გზის” ლოგიკური გაგრძელება. მივმართავთ ყველა ჩართულ მხარეს, ანაკლიის პორტს დაერქვას პრეზიდენტ ტრამპის სახელი და ის გახდეს “ტრამპის გზის” კარიბჭე დასავლური სამყაროსთვის, რაც მოგვიტანს უსაფრთხოებას, დასავლურ ინვესტიციებს და ეკონომიკურ აღმავლობას”