ეს პოლიტიკური გადაწყვეტილებაა – ფრანგ ფოტოგრაფს საქართველოში ბინადრობის უფლება შეუზღუდეს

საქართველოში მცხოვრები ფრანგი ფოტოგრაფი ამბობს, რომ მისი წინააღმდეგ პირადი შურისძიებაა დაწყებული. ფრანსის პრიმერკის ინფორმაციით, მას ჯერ ბინადრობის უფლება მიანიჭეს, რამდენიმე კვირაში კი დოკუმენტი გაუუქმეს.

პრიმერკის მოსაზრებით, ამის მიზეზი მისი საქმიანობაა საქართველოში. ის ერთ-ერთია, ვინც ღიად უჭერს მხარს უწყვეტ პროტესტს ქვეყანაში და ცდილობს საკუთარი საქმიანობით გააცნოს საკუთარ აუდიტორიას, როგორი მეთოდებით ებრძვიან საქართველოში განსხვავებული მოსაზრებების მქონე ადანიანებს.  იმის გამო რომ მას ახსნა-განმარტებები არ მისცეს, თუ რის გამო ეუბნებიან ქვეყანაში ცხოვრებაზე უარს, ფრანგმა ფოტოგრაფმა გადაწყვიტა სამართლებრივი დავა დაიწყოს.

ბოლომდე წავალ, საჭიროების შემთხვევაში სტრასბურგამდეც – წერს ფრანსის პრიმერკი.

“9 მარტს ჩემი ბინადრობის მოთხოვნა დაკმაყოფილდა.
26 მარტს ის გაუქმდა უარყოფილ იქნა.
მიზეზის გარეშე. ყოველგვარი ახსნის გარეშე.
ეს მოულოდნელი ცვლილება არ არის ადმინისტრაციული შეცდომა  ეს პოლიტიკური გადაწყვეტილებაა.
დღეს, რაც ჩემს თავს ხდება, სცდება პირად შემთხვევას.
ეს არის სიგნალი ყველასთვის, ვინც მხარს უჭერს, აშუქებს ან ამხელს იმას, რაც საქართველოში ხდება.
მე აქ ვმუშაობდი, ვქმნიდი, ვაფიქსირებდი და ვუჭერდი მხარს ამ ქვეყანას, რომელსაც ჩემს ქვეყნად მივიჩნევ.
და დღეს ცდილობენ ჩემი გაჩუმებას.
თუ ჩვენ გავჩუმდებით, ასეთი პრაქტიკა ნორმად იქცევა.
მოვუწოდებ ყველას, ვისაც სწამს სამართლიანობის, თავისუფლების და ღირსების:
👉 გააზიარეთ ეს ინფორმაცია
👉 გაავრცელეთ ხმა
👉 აჩვენეთ, რომ ჩვენ ერთიანები ვართ
ქვეყანა არ შენდება შიშით —არამედ იმ ადამიანების სიმამაცით, ვინც უარს ამბობს გაჩუმებაზე.”
“საქართველოს მთავრობამ გადაწყვიტა, აღარ მომცეს უფლება გავაგრძელო ცხოვრება საქართველოში
ქვეყანაში, სადაც უკვე წლებია ვცხოვრობ.
ქვეყანაში რომელიც უბრალოდ არ დამიკავია არამედ შემიყვარდა.
საქართველო ჩემთვის უბრალოდ ადგილი არ არის.
ეს არის მიწა, რომელმაც მიმიღო  ხალხი, რომელმაც კარი გამიღო
სახეები, მეგობრობა და მომენტები, რომლებმაც ღრმად შემცვალეს.
აქ მე მხოლოდ ცხოვრება არ ამიშენებია
აქ მე კავშირი შევქმენი.
ეს ქვეყანა შეგნებულად ავირჩიე.
გულწრფელად ჩავერთე მის ცხოვრებაში  ადამიანურად, კულტურულად.
ვცდილობდი, ჩემი გზით, გამეტანა მისი ხმა და სილამაზე მის ფარგლებს გარეთ,
პატივისცემით, აღფრთოვანებით და სიყვარულით.
დღეს ეს გადაწყვეტილება ჩემთვის მტკივნეულია.
რადგან ეს მხოლოდ ადმინისტრაციული საკითხი არ არის
ეს ეხება იმ კავშირს, რომელიც ამ ქვეყანასთან შევქმენი.
და მაინც, არაფერს ვნანობ.
რადგან ყოველთვის ვიმოქმედე ჩემი ღირებულებების შესაბამისად
თავისუფლება, ღირსება, სამართლიანობა.
და ამ ღირებულებებს დავიცავ ბოლომდე.
უმოქმედოდ არ დავრჩები.
ამ ქვეყნისადმი პატივისცემით,
და იმ ადამიანების მიმართ, ვინც აქ მხარში მედგა,
დავიწყებ სამართლებრივ ბრძოლას.
ბოლომდე წავალ, საჭიროების შემთხვევაში სტრასბურგამდეც,
ადამიანის უფლებათა სასამართლომდეც.
რადგან ეს კავშირი ვერ წაიშლება ერთი გადაწყვეტილებით.
რადგან ასეთ ქვეყანას ასე მარტივად ვერ ტოვებ
მისთვის იბრძვი.
საქართველო ჩემი ნაწილია.
რაც არ უნდა მოხდეს.
და მე არ დავნებდები.” | წერს სოციალურ ქსელში ფრანგი ფოტოგრაფი, ფრანსის პრიმერსკი.