სინამდვილეში გამდიდრდა თუ გაღარიბდა ივანიშვილი? – “ერთ დღეში ასეულ მილიონობით დოლარით გაიზარდა მისი აქტივები” – გოცირიძე

ყოფილი პარლამენტარი, რომან გოცირიძე:

ქართული “ფორბსის” მილიონერთა სიაში ივანიშვილის ქონების თითქმის სამჯერ კლებამ ბევრი კითხვა გააჩინა. რა მოხდა სინამდვილეში:

მსოფლიო მილიარდერთა სიაში ივანიშვილს 7 მილიარდის ნაცვლად დაახლოებით 2,5-3 მილიარდი დოლარი გაუხდა. ეს იმის გამო მოხდა, რომ მისი ქონება არის გაუმჭვირვალე, გადამალულ-გადაფორმებული. ზოგიერთი აქტივი ყველამ იცის, რომ მისია, მაგრამ არცაა მისი.

ფონდი “ქართუს” ქონება იურიდიულად არ ეკუთვნის ივანიშვილს, არც მის ოჯახს. “ქართუფონდი” ჩვეულებრივი არასამთავრობო ორგანიზაციაა, ქონება დამფუძნებლებს კი არ ეკუთვნის, არამედ ამ იურიდიულ პირს. ივანიშვილი იყენებს მას როგორც ბიზნესსუბიექტს, ფლობს მისი სახელით ბიზნესწილებს, გარანტორადაც კი გამოდის ბანკების წინაშე. მაგალითად, ივანიშვილისა და რუხაძის კომპანიას საქართველოს ბანკმა ჰაიდელბერგცემენტიდან საწარმოების გამოსასყიდად ასესხა 200 მილიონი დოლარი ამ ე. წ. საქველმოქმედო ფონდის გარანტიით.

როცა ქონების სტრუქტურა ასეა დამახინჯებული, ფორბსი ან ბლუმბერგი მათ განიხილავს როგორც არაიდენტიფიცირებადს.

სინამდვილეში გამდიდრდა თუ გაღარიბდა ივანიშვილი? გამდიდრდა, თანაც ყველა მიმართულები: გაიზარდა მისი აქციების ფასი, გაიზარდა მისი ნახატების ფასი, გაიზარდა მისი უძრავი ქონების ფასი, შვეიცარიის ბანკთან დავაშიც კი ორმაგად და უფრო მეტად აინაზღაურა ზიანი. ამ ფულის ნაწილი, 463 მილიონი დოლარი უკვე ჩაერიცხა, 600 მილიონი კი გაყინულია, თუმცა მოიგო სასამართლო დავა. და რაც მთვარია, აქ, საქართველოში იშოვა კოლოსალური ფული. მისი კომპანიები იგებენ ტენდერებს და უმეტესობა სარგებლობს სხვადასხვა სახის საგადასახადო თუ არასაგადასახადო შეღავათებით. აგერ, ახლა ბაჩიაშვილიც განაკულაკა.

რადგან ქართული “ფორბსიც” არიდენტიფიცერებად აქტივებს არ ითვლის (პირდაპირ გადმოაქვს ინფორმაცია სათავო ფორბსიდან), ამიტომ არის ამ სიაში ივანიშვილი მეორე ადგილზე წარმოდგენილი. ივანიშვილი ყაზახ ბიზნესმენ მიხეილ ლომთაძეზე მდიდარია.