“გთხოვთ, მიიღოთ ბოდიში, გარწმუნებთ ძმურ სიყვარულში” – რუსეთის საპატრიარქოს

არქიმანდრიტი იორეთეოსის მიერ საფრანგეთში ქართული სამრევლოს გახსნას რუსეთის საპატრიარქოს წარმომადგენელი ეხმაურება.

მიტროპოლიტმა იოანემ (დუბნინსკი), დასავლეთ ევროპაში რუსული ტრადიციის მართლმადიდებელი ეკლესიების სამთავარესპისკოპოსოს მეთაურმა საქართველოს საპატრიარქოს საგარეო ურთიერთობის განყოფილების თავმჯდომარეს, ზუგდიდისა და ცაიშის მიტროპოლიტ გერასიმეს (შარაშენიძე) წერილზე უპასუხა:

„თქვენო მაღალყოვლადუსამღვდელოესობავ და ძმაო თანამწირველო, მივიღეთ თქვენი 2020 წლის 16 ივნისის წერილი და, გთხოვთ, თქვენო მაღალყოვლადუსამღვდელოესობავ, ჩემი მოკრძალებული მოკითხვა გადასცეთ მის უწმინდესობასა და უნეტარესობას, სრულიად საქართველოს კათოლიკოს-პატრიარქ ილია II-ს.

თქვენო მაღალყოვლადუსამღვდელოესობავ, გარწმუნებთ, რომ არასოდეს გვქონია განზრახვა, შეგვექმნა ქართული სამრევლო ჩვენს სამთავარეპისკოპოსოში. არქიმანდრიტ იეროთეოსის პუბლიკაცია იყო შეცდომითი, რადგან ჩვენ მისთვის ასეთი მისია არ დაგვივალებია. მას ჰქონდა ნებართვა, ემსახურა მხოლოდ ჩვენს ერთ რომელიმე სლავურ სამრევლოში და ასევე მივეცით უფლება, ნაწილობრივ გამოეყენებინა თავისი მშობლიური ენაც თავისივე სიკეთისთვის. მან კი საკუთარი სოციალური ქსელი გამოიყენა სხვა მიზნებისთვის, მიგვიყვანა რა ამ სამწუხარო ინციდენტამდე, რის გამოც ძალიან ვწუხვარ.

ამავე დროს, თქვენო მაღალყოვლადუსამღვდელოესობავ, გთხოთ, მიიღოთ ჩემი ბოდიში და გარწმუნებთ ჩემს ძმურ სიყვარულში; გისურვებთ ურყევ ჯანმრთელობას და დიდ სიხარულს თქვენს მღვდელმთავრულ მსახურებაში. ქრისტესმიერი ძმა იოანე”