“შაბათის ეთერის” ინფორმაციით, 769 ავტომობილისთვის, 10 ავტობუსისთვის, 110 ელექტრომობილისა და 20 შშმ პირისთვის განკუთვნილი პარკინგის სივრცე აბასთუმნის შესასვლელში უკვე 5 წელია შენდება. მუნიციპალური განვითარების ფონდის პროგნოზით, ავტოსადგომი 2023 წლის იანვარში უნდა გახსნილიყო, 2024 წლიდან კი კურორტზე მხოლოდ ეკოლოგიურად სუფთა ტრანსპორტს უნდა ევლო, 12 567 774 ლარი დაიხარჯა, პროექტი 3 წლიანი დაგვიანებით დასრულდა, თუმცა ისე ზიანდება, რომ ფუნქციონირება ამ დრომდე არ დაუწყია. ფული სახელმწიფო ბიუჯეტიდან გამოიყო და საქართველოს მოქალაქეების საკუთრებაა.
საჯაროდ გავრცელებული ცნობების თანახმად, ბიძინა ივანიშვილი დიდ დროს აბასთუმანში ატარებს. 350 მილიონი ხალხის ფული, ივანიშვილის ამოჩემებული კურორტის რეაბილიტაციისთვის, სახელმწიფო ბიუჯეტმა უკვე გამოყო. აქედან 280 მილიონი უკვე დახარჯულია, 70 მილიონის დახარჯვა კი ამ თვის ბოლოდან იგეგმება. მუნიციპალური განვითარების ფონდი, აბასთუმნის პროექტირება-მშენებლობისთვის, ტენდერს 25 მარტს გამოაცხადებს.
მკვლევარების თქმით, ბიძინა ივანიშვილის პირადი ბიუჯეტიდან დახარჯულია მხოლოდ 7 მილიონი. ესეც იმიტომ, რომ ტუბერკულოზის ცენტრის ტერიტორია ოპოზიციის შეფასებით, ბიძინა ივანიშვილმა თავად მოინდომა და ნაძვნარში ჩაფლული სამკურნალო დაწესებულების ნაცვლად, ფილტვის დაავადების მქონე პირებს, ეს ახალი ნაგებობა, აქ, საავტომობილო გზის პირას აუშენა.
აბასთუმანში ამბობენ, რომ “ივანიშვილის მეფობა” მას შემდეგ დაიჯერეს, რაც აქაურობა მათივე თქმით, “ქართული ოცნების” პირადი კურორტი გახდა და მასთან დაკავშირებულმა კომპანიებმა, მხოლოდ სახელმწიფოსგან, 4 ჰექტარზე მეტი მიწა, საბაზრო ფასზე 4-ჯერ ნაკლებ ფასად გამოისყიდეს.
წყარო – ტვ პირველი
კომენტარები