“აშშ-ის სტრატეგიული გათვლა ახლა პირდაპირ IRGC-ის ლიდერებისა და ოფიცრობის ფიზიკური განადგურებაა” – გიორგი კობერიძე

მეორეს მხრივ, ამერიკელები დილიდან დიდი ინტენსივობით სწორედ IRGC-ის სამხედრო ბაზებს ბომბავენ. ზოგიერთ ბაზას ათობით ფრთოსანი რაკეტაც კი დაეცა. IRGC არ არის ჯარი (ირანს ცალკე ჰყავს ის) – არამედ ის არის ოფიციალურად აღიარებული ტერორისტული ორგანიზაცია, რომელსაც მთელ რეგიონში საკუთარი ტერორისტული ქსელი აქვს გაშლილი. სწორედ მათი ამოქმედების შედეგია ის, რომ ახლა სხვადასხვა ქვეყანაში ამერიკის საელჩოების წინააღმდეგ რადიკალი ისლამისტების მობილიზებას ვხედავთ.

აშშ-ის სტრატეგიული გათვლა ახლა პირდაპირ IRGC-ის ლიდერებისა და ოფიცრობის ფიზიკური განადგურებაა, რათა სისტემაში სერიოზული წინააღმდეგობის გამწევი აღარავინ დარჩეს. ვინც გადარჩება, იძულებული გახდება დათმოს და მოლაპარაკებაზე წავიდეს ან/და “ვენესუელის სცენარს” გაჰყვეს. და თუ ასე არ მოხდა, ცხადია, სახალხო აჯანყების შანსები მოიმატებს.

IRGC-ის, როგორც მთავარი სადამსჯელო და საყრდენი ძალის გარეშე, რეჟიმი უბრალოდ ვერ იფუნქციონირებს, მით უმეტეს მაშინ, როდესაც მისი სიმბოლური თავი – აიათოლას სახით – უკვე მოკვეთილია.