“ფაშისტური გერმანიის გზით მიდიან, ეტყობა, კობახიძემ, გერმანიაში მხოლოდ ეს ისწავლა” – ხიდაშელი

თავდაცვის ექს მინისტრმა, თინა ხიდაშელმა განაცხადა, რომ “ოცნება“ ფაშისტური გერმანიის გზით მიდის.

კანონებს კანონზე იღებენ , ხან სისხლის სამართლის კოდექსს ამკაცრებენ, ხან ადმინისტრაციულ ჯარიმებს ითვალისწინებენ, ამკრძალავ ზომებს იღებენ და ვერ გავიდნენ ბოლოში ისე, რომ ერთხელ და სამუდამოდ გაგვაქრონ და გაგვანადგურონ. ეს ძალიან მნიშვნელოვანი ასპექტია ორი თვალსაზრისით – ერთი ის, რომ წინააღმდეგობა ვერ გატეხეს და მეორე არანაკლებ მნიშვნელოვანი, ვერ ახერხებენ, უნარი არ აქვთ სინამდვილეში იმისი, რა დავალებაც ბატონისგან აქვთ მიღებული. ვინც არ უნდა იყოს ეს ბატონი, გნებავთ მოსკოვიდან და გნებავთ სოლოლაკის ქედიდან. ამ ქვეყანაში ისინი არ არიან შემძლენი, დაამყარონ დიქტატურა. კანონები, რომლებსაც ახლა გვთავაზობენ, არის კანონები დიქტატურის დამყარების შესახებ. ყველა სიტყვა, რომელიც იქ წერია, არის კანონით დიქტატურის დამყარების მცდელობა. ესენი მიდიან ფაშისტური გერმანიის გზით, როდესაც ჰიტლერი ყველაფერს კანონში წერდა და იმის მიხედვით ანადგურებდა საკუთარ ოპონენტებს, საბჭოთა კავშირი ასე არ იქცეოდა, მას არ აინტერსებდა კანონში რა ეწერა, ვისაც როგორ უნდოდა, ისე იქცეოდა, ეტყობა კობახიძემ, გერმანიაში ყოფნის დროს, მხოლოდ ეს ისწავლა, – განაცხადა ხიდაშელმა.

“ქართული ოცნება “გრანტების შესახებ” კანონს ამკაცრებს – შესაბამისი განცხადება პარტიის ოფსში გაკეთდა.