მანქანის ქირაობა დღევანდელ დღეს ერთი შეხედვით მარტივია – ქუჩაში იმდენი მანქანა დადის, პარკინგებიც სავსეა, შესაძლოა, პოტენციურად მათი 10 პროცენტი მაინც ნაქირავებია, ან ქირავდებოდეს, რატომაც არა? მაგრამ რეალურად, სანდრო გამქირავებლის პოვნა, საკმაოდ რთულია.
მინივენი ის ტრანსპორტია, რომლითაც მთელი ოჯახი ერთად წახვალთ სამოგზაუროდ, არ დაგღლით მგზავრობა, არც ბარგის წაღებაა დარდი და დამატებითი ხარჯი.
ზოგ შემთხვევაში, მინივენებს სამუშაოდაც ქირაობენ, ახლო თუ შორ მანძილზე ხალხის გადასაყვანად.
რა უნდა ვიცოდეთ მანამ, სანამ მინივენს ვიქირავებთ?
დრო
დაჯავშნე მანქანა მინიმუმ რამდენიმ დღით და მაქსიმუმ რამდენიმე კვირით ადრე.
ეს ძალიან მნიშვნელოვანი რჩევაა, განსაკუთრებით ზაფხულის, ან ზამთრის პიკის სეზონზე დაქირავებისას. იმისათვის, რომ თავიდან აიცილო იმედგაცრუება, თუ სასურველი მანქანა ვერ იპოვე, დაჯავშნეთ 1-2 კვირით ადრე. თან, როგორც წესი, ფასშიც მოგებული ხარ, რადგან წინასწარი ჯავშნის შემთხვევაში, უმეტესად რამე აქციას ან ფასდაკლებას შეიძლება ხელი გამოკრა და როცა იმავე დღესვე გინდა მანქანა, რატომ უნდა დგაიკლონ ფასი, ისედაც, ცხადია, უკვე სხვა გამქირავებლის პოვნის შანსი თითქმის აღარ დაგრჩა.
საჭიროებები
რა ტიპის მანქანა უნდა იქირაო, ეს დამოკიდებულია შენს საჭიროებებზე.
ყოველთვის გაითვალისწინე არა მხოლოდ ფასი, არამედ ინტერიერის სივრცე და საბარგულის ზომა. ეს განსაკუთრებით მნიშვნელოვანია 4-ზე მეტი მგზავრით და დიდი რაოდენობით ბარგით მგზავრობისას. მაგალითად, გინდა 7 ადამიანისთვის მანქანა, გთავაზობენ 7–ადგილიან მინივენს, ოღონდ, ჩემს გარდა, არავინ გეტყვის, რომ თუ ბევრი ბარგი გაქვთ, 7 ადამიანისთვის განკუთვნილი მანქანის დაჯავშნისას, უნდა გაითვალისწინო, რომ, მაგალითად, დასაკეცი სავარძლებიანი მინივენის გამოყენება მნიშვნელოვნად ამცირებს ბარგის ადგილს. შესაბამისად, სხვა ტიპის მინივენი უნდა დაიქირაო. სამაგიეროდ, თუ ბარგი არ გაქვს ბევრი, მაშინ, ფასის მიხედვით, ამ მოდელის ქირაობა.
მეტი ინფორმაცია შენზე
ალბათ, გგონია, თანხას იხდი და დასრულდა? ეცადე რაც შეიძლება მეტი ინფორმაცია დატოვო დაჯავშნისას, მაგალითად, თუ მოფრინავ, ფრენის ნომერი, დაგვიანების შემთხვევაში, რომ გაუგებრობას არ ჰქონდეს ადგილი. ზუსტი მისამართი და ტელეფონის ნომერი, რომელიც ხელმისაწვდომია. რათა, ნებისმიერი სახის ფორს–მაჟორულ სიტუაციაში მანქანის გარეშე არ დარჩე და მერე სახელდახელოდ არ მოგიწიოს იმ მანქანის ქირაობა, რომელიც არ მოგწონს და იმ ფასად, რომელიც არ გაწყობს.
დეპოზიტი
მანქანის გაქირავებისას სტანდარტული პროცედურაა და სხვადასხვა თანხიდან მერყეობს, თუმცა, არიან გამქირავებლები, რომლებიც არ იყენებენ ამ სისტემას. ამიტომ წინასწარ გაარკვიე ეგ დეტალი აუცილებლად. ისიც გაარკვიე, კლასიკურად, მხოლოდ იბლოკება დეპოზიტის თანხა ბარათზე და მხოლოდ მანქანის დაბრუნებისას იჭრება, თუ პირდაპირ იჭრება ბარათიდან.
ხელშეკრულება
კითხვა დაიწყე ყველაზე წვრილი შრიფტიდან – წაიკითხე ყველაფერი, ჩაიწერე ყველა დეტალი, რომელიც ხელშეკრულებაში არაა მოცემული და სიტყვიერ შეთანხმებაშია.
თუ ქვეყნის გარეთ გეგმავ მოგზაურობას, შესაძლოა საჭირო გახდეს დამატებითი დოკუმენტაციის მომზადება, ამიტომ, ესეც ხელშეკრულებაზე ხელმოწერამდე უნდა აცნობო გამქირავებელს.
დაზღვევა
დაზღვევამ მართლა უნდა დაგაზღვიოს, ამიტომ ყველაზე დეტალურად ეგ ნაწილი წაიკითხე, რომელიც დაზღვევას ეხება, რას მოიცავს, რა შემთხვევებში, როგორი პირობებია, რამდენად კარგი პაკეტია დაზღვევის. ვიცნობ ადამიანებს, რომლებსაც მანქანის დაზღვევაზე საუბარი არ უყვართ, რადგან თვლიან, რომ მაინც არაფერი მოუვათ – არა, ეგ წინასწარ არავინ იცის, მაგალითად, ზოგი მანქანის სარკე ან ფარი ლამის ერთი მანქანის ფასია და მინდა გითხრა, ყველა სადაზღვევო პაკეტი როდი ანაზღაურებს.
ინციდენტი
ინციდენტი იმას არ მოსდის, ვინც საჭესთან არ ზის, ნებისმიერ დროს შეიძლება რაღაც მოხდეს, მაგალითად, დააპარკინგე და დილით ხედავ რომ მინაა დაზიანებული გარე ზემოქმედებით, ეგაც ინციდენტია. პირველივე რიგში რეკავ საპატრულო პოლიციაში და მყისიერად, ასევე ურეკავ გამქირავებელს. არ დაძრა მანქანა, სანამ დამქირავებელს არ აცნობებ და სანამ საპატრულო პოლიციის ოქმი არ გექნება ხელთ.
მოძრაობის წესები
დაიცავი საქართველოს კანონით დადგენილი მოძრაობის წესები, სიჩქარის ლიმიტი, მაგალითად, არ დაგავიწყდეს უკვე არაერთი გზაა აღჭურვილი სტაციონარული და მობილური სიჩქარის კამერებით. აირჩიე დაცული საპარკინგე ადგილები. არ გააჩერო მანქანა შეზღუდულ ადგილებში, რადგან ის ბუქსირით არ გადაიყვანენ. ეცადე ყოველთვის იყო ინფორმირებული საგზაო მოძრაობის შესახებ – მაგალითად, თუნდაც, საგზაო დეპარტამენტის ცნობით, იცოდე, სად რომელი ადგილია გადაკეტილი და ან მოითხოვს სპეციალურ აღჭურვას.
დაიმახსოვრე – რაც უკეთ მოეპყრობი დაქირავებულ მანქანას, მით უკეთ აიცილებ თავიდან ზედმეტ საზრუნავს.
და ბოლოს, რამდენიმე რჩევა უსაფრთხოებისთვის:
ზოგი სავსე ავზით აქირავებს მანქანას, ზოგი – არა, ამიტომ გადაამოწმე, ჯერ ერთი იმიტომ რომ შემდეგ ასევე უნდა დააბრუნო და მეორეც, უცებ საწვავის გარეშე რომ არ დარჩე გზაშიო.
არ დატოვო მანქანის საბუთები მანქანაში, პირად ნივთებს როგორ მოუარო ჩემი რჩევა არ გჭირდება, მაგრამ ქურდობისგან არასოდეს არავინაა დაზღვეული და სჯობს მანქანის საბუთები მუდან თან გქონდეს.
გამოიყენე შესაძლებლობა იმოგზაურო ერთი მანქანით და ისე, რომ მთელი ოჯახი კომფორტულად ეტეოდეთ, კომფორტი ისაა, რაც მოგზაურობას ასე ალამაზებს, ან გამოიყენე შანსი, თავად დაასაქმო საკუთარი თავი, მით უფრო, როცა ახლა უკვე გაქვს რამდენიმე საბაზისო რჩევა როგორ იქირაო მინივენი და რა გჭირდება ზარი მეგობართან საკითხავად, ან დაგუგვლა – როგორ, სად ქირავდება მინივენი?
(R)
კომენტარები