აშშ-ის სახელმწიფო დეპარტამენტი ამერიკის მოქალაქეებს მოუწოდებს, დაუყოვნებლივ დატოვონ რუსეთი, დარჩენის შემთხვევაში კი თავი შეიკავონ სოციალური ქსელების გამოყენებისგან
Fox News -ის ინფორმაციით, სახდეპმა განაახლა რუსეთში “მოგზაურობის აკრძალვის” გაფრთხილება და 31 დეკემბერს ხელახლა გამოსცა.
დოკუმენტში ნათქვამია, რომ არსებობს პრეცედენტი, როდესაც რუსეთის უსაფრთხოების სამსახურებმა ამერიკელები ყალბი ბრალდებებით დააკავეს და სანდო მტკიცებულებების გარეშე გაასამართლეს.
“რუსეთში მყოფმა აშშ-ის მოქალაქეებმა დაუყოვნებლივ უნდა დატოვონ ქვეყანა… რუსი ოფიციალური პირები ხშირად უმიზეზოდ კითხავენ და ემუქრებიან აშშ-ის მოქალაქეებს… უნდა ვივარაუდოთ, რომ ყველა ელექტრონული კომუნიკაცია და მოწყობილობა კონტროლს ექვემდებარება.
გარდა ამისა, სანქციების გამო, ამერიკული სადებეტო და საკრედიტო ბარათები რუსეთში აღარ მუშაობს, შესაბამისად, “აშშ-დან რუსეთში ელექტრონული ფულადი გზავნილების გაგზავნა თითქმის შეუძლებელია.ტურისტები, რომლებიც რუსეთში წასვლას გადაწყვეტენ, „მზად უნდა იყვნენ გაურკვეველი ვადით დაკავების რისკისთვისაც.
გამოდით ყველა სოციალური მედიის ანგარიშიდან და არ შეხვიდეთ თქვენს სოციალურ ქსელებში რუსეთში ყოფნის დროს. მოამზადეთ ანდერძი და დანიშნეთ შესაბამისი დაზღვევის ბენეფიციარები ან მინდობილობები“, – ნათქვამია სარეკომენდაციო გაფრთხილებაში Fox News-ის თანახმად.
კომენტარები