ბიზნესის მართვა უამრავი პატარ-პატარა ნიუანსის გათვალისწინებას მოითხოვს. ერთდროულად ბევრ სხვადასხვა დეტალზე გიწევს ფიქრი და სულ ყურადღებით უნდა იყო, რომ რაიმე არ გამოგრჩეს. საბედნიეროდ, თანამედროვე სამყაროში ამ პროცესის გასამარტივებლად არსებობს ინოვაციური ტექნოლოგიები. მათი გამოყენებით შესაძლებელი ხდება ბიზნესის ავტომატიზაცია. ამ მიზნით შეიქმნა სავაჭრო პროგრამა – iCash.
iCash არის Cloud-ზე დაფუძნებული POS პროგრამული უზრუნველყოფა. პროგრამა გაყიდვებისა და მარაგების მართვის საშუალებას იძლევა. მისი დახმარებით, შეგიძლია, ბიზნესი ონლაინ, მსოფლიოს ნებისმიერი წერტილიდან აკონტროლო. iCash-ის სერვისები სხვადასხვა სფეროში მოღვაწე კომპანიებზეა მორგებული. ეს არის იდეალური შესაძლებლობა როგორც განვითარებადი, პატარა სტარტაპებისთვის, ასევე დიდი ბიზნესებისთვის.
კაფე-რესტორნების პროგრამა ბიზნესისთვის
iCash-ის პროგრამა, რომელიც სპეციალურად კაფე-რესტორნებისთვისა და სწრაფი კვების ობიექტებისთვის არის შექმნილი, პერსონალს საშუალებას აძლევს, დატვირთულ დღეებშიც კი სწრაფად და ეფექტურად მოემსახურონ მოხმარებლებს. სისტემა პლანშეტებსა და ტელეფონებზეა ჩატვირთული და მიმტანებს შეკვეთების მიღებასა და დახურვას უმარტივებს. პროგრამა ინტეგრირებულია გადახდის ნაწილშიც და გადახდის სასურველ მეთოდსა და ანგარიშების სწრაფად და მარტივად შედგენას უზრუნველყოფს. მისი გამოყენებით ხდება მაგიდების მართვა. ელექტრონული ტექნიკა შესაძლებელს ხდის:
- სივრცეებს შორის (დარბაზი, ბარი, სამზარეულო) შეკვეთები სინქრონიზებული იყოს და აკონტროლო თითოეული შეკვეთის ნომერი და სტატუსი.
- აკონტროლო შეკვეთა მიღებულია, თუ მზადების პროცესშია და დასრულების შემდეგ მიიღო ელექტრონული შეტყობინება.
ავტომატიზირებული სისტემა მინიმუმამდე ამცირებს შეკვეთების შეცდომებს და აჩქარებს მომსახურების პროცესს. iCash-ის მარაგების მენეჯმენტის ფუნქციის დახმარებით, შეგიძლია ობიექტზე პროდუქტების მარაგი აკონტროლო. პროგრამა ასევე გთავაზობს გაყიდვების მენეჯმენტისთვის საჭირო ფუნქციებს. ბრუნვა, შემოსავლები, ხარჯები შეგიძლია ამოწმო მიმტანების, თარიღის, სივრცისა და მრავალი სხვა ფილტრის მიხედვით. iCash-ის საშუალებით, წვდომა გაქვს ყველა სახის სტატისტიკაზე, ანგარიშებსა და მონაცემებზე.
მაღაზიის პროგრამული უზრუნველყოფა
iCash-ის პროგრამა თავსებადია სხვადასხვა მოწყობილობებთან, როგორიცაა ფისკალური მოწყობილობები, სკანერები, სასწორები, POS ტერმინალები. სავაჭრო პროგრამა მაღაზიებს გაყიდვების პროცესის აჩქარებისა და მომსახურების გაუმჯობესების შესაძლებლობას აძლევს.
iCash-ის მომსახურებით სარგებლობის შემთხვევაში, მაღაზიებს შეუძლიათ;
- სისტემაში პროდუქტების დამატება
- მოლარის მარტივი ინტერფეისის შექმნა
- ფასებისა და ფასდაკლებების მართვა
- მარაგების მართვა
- ნებისმიერი სახის ანგარიშსწორება
- მიღება/დაბრუნება RS.GE-დან
- გამარტივებული გზით პროდუქციის მიღება
- პროდუქციის სიის, მიღებების, აღწერების, მომწოდებლებისა და სხვა მონაცემების იმპორტი სხვა პროგრამული უზრუნველყოფიდან
კომპანია gsn-ის გავლით, iCash-ი კომპანიებს გაყიდვების პროგრამის უზრუნველსაყოფად სრულ აღჭურვილობას სთავაზობს:
- სალარო აპარატი
- POS სისტემა
- პლანშეტი
- ელექტრონული სასწორი
- ფულის უჯრა
- პრინტერი
- შტრიხკოდ სკანერი
- ფულის სათვლელი მანქანა
- ფულის დეტექტორი
- სეიფები
ავტომატიზირებული სისტემა eCommerce-ისთვის
iCash-ის სავაჭრო პროგრამა განსაკუთრებით გამოსადეგია ონლაინ მაღაზიებისთვის. პროგრამის პანელიდან მარტივად შეგიძლია მართო შეკვეთები და გაყიდვები. ინფორმაცია ინვენტარის შესახებ დაკავშირებულია ონლაინ მაღაზიასთან, რომელიც ავტომატურად მართავს და აკონტროლებს ნაშთებს. ავტომატიზირებული სისტემის დახმარებით, მომხმარებელს მარტივად გაუგზავნი შენაძენის ინვოისს ელ.ფოსტაზე. ონლაინ პლატფორმა შეკვეთების მისაწოდებლადაც შეგიძლია გამოიყენო.
აიქეშის პროგრამა სამედიცინო და ესთეტიკური კლინიკებისთვის
iCash-ის სერვისები ხელსაყრელია სამედიცინო და ესთეტიკური კლინიკებისთვისაც. პროგრამა გთავაზობს ონლაინ პლატფორმას სხვადასხვა ტიპის მომსახურების სამართავად. შეგიძლია, შექმნა ინდივიდუალური გვერდი თითოეული მომხმარებლისთვის და მათთვის გაწერილი მომსახურება და გადახდების ისტორია მართო. ეს დაგეხმარება, მარტივად აწარმოო თითოეულ კოსმეტიკურ პროცედურაზე გამოყენებული და გახარჯული მასალების ბიუჯეტირება. ამ დაწესებულებებისთვის მომსახურების ოპტიმიზაციას განსაკუთრებით დიდი მნიშვნელობა აქვს. iCash-ის ლოიალობის პროგრამა დაგეხმარება, რომ თითოეულ მომხმარებელს ინდივიდუალურად მასზე მორგებული აქციები და ფასდაკლებები შესთავაზო. სისტემის საშუალებით ხდება ინვოისების ავტომატური გაცემა და ქვითრების გაგზავნა ელ.ფოსტაზე.
შეჯამება
iCash-ი ერთგვარი ავტოპილოტის როლს ასრულებს კომპანიის მართვაში. სავაჭრო პროგრამა ბიზნესის მართვისა და მარაგების კონტროლის გამარტივებულ მოდელს გთავაზობს. iCash-ით შეგიძლია მუშაობა განაგრძო მაშინაც, როცა ინტერნეტთან წვდომა არ გაქვს. კავშირის აღდგენის შემდეგ ყველა მონაცემი ავტომატურად სინქრონიზდება. დაცული სერვერი უსაფრთხო და კომფორტულ პროგრამას უზრუნველყოფს შენი ბიზნესისთვის.
(R)
კომენტარები