სანქტ-პეტერბურგის ერთ-ერთ სკოლაში მეცხრე კლასელი მოსწავლე მასწავლებელს დანით დაესხა თავს, რის შემდეგაც თვითდაზიანება მიიყენა. დაზარალებული 29 წლის მათემატიკის მასწავლებელია. გავრცელებული ინფორმაციით, შესაძლოა დაშავებულები იყვნენ კიდევ ორი მოსწავლეც.
ინციდენტი ორშაბათს დილით, 15 დეკემბერს, სანქტ-პეტერბურგის №191 სკოლაში მოხდა.
წინასწარი ინფორმაციით, თავდასხმის მოტივი შესაძლოა ყოფილიყო მოზარდის უკმაყოფილება დამატებითი მათემატიკის გაკვეთილებით.
გამომძიებლების ცნობით, მასწავლებელ ქალს სულ მცირე სამი ჭრილობა აღენიშნება.
დანაშაულში გამოყენებული დანა მოზარდმა სახლის სამზარეულოდან წაიღო, მიუხედავად იმისა, რომ თითქოს სკოლა აღჭურვილი იყო მეტალოდეტექტორებით, მოსწავლემ დანა სკოლაში უპრობლემოდ შეიტანა.
წინასწარი ინფორმაციით, დანა დეტექტორებმა დააფიქსირეს, თუმცა მოსწავლე არ შეაჩერეს და დაცვის თანამშრომლებმა მისი ჩანთა არ შეამოწმეს. მოგვიანებით სხვა მოსწავლეებმაც განაცხადეს, რომ სკოლაში ადრე თავადაც მიჰქონდათ დანები.
მოზარდის დედა ჰყვება, რომ თავდასხმამდე ერთი დღით ადრე დედამ შვილს დასჯის მიზნით ტელეფონი ჩამოართვა და ამბობს , რომ მასწავლებელს მისი შვილის მიმართ აგრესია არ გამოუწვევია.
კომენტარები