მედია: აშშ-ში საქართველოს ელჩის ქმარი სანქცირებულ რუს ბიზნესმენებს იურიდიულად ეხმარება

ფოტო – OC MEDIA

შეერთებულ შტატებში საქართველოს ელჩის, თამარ ტალიაშილის ქმარი, სანქცირებულ რუს ბიზნესმენებს იურიდიულ დახმარებას უწევს. ამის შესახებ ინფორმაციას OC Media ავრცელებს. 

მედიის ცნობით, დავით კუხალაშვილი მოსკოვში იურიდიული ფირმის დამფუძნებელი და მმართველი დირექტორია. ეს კომპანია კი იმ ბიზნესებს უწევს კონსულტაციებს, რომლებიც ევროკავშირისა და შეერთებული შტატების მიერ, რუსეთის უკრაინაში სრულმასშტაბიანი შეჭრის შემდეგ, დასანქცირდნენ.

OC Media წერს, რომ რუსული იურიდიულმა ფირმების ნაწილი ახლა სპეციალიზირებულია კომპანიებისთვის გაყინული აქტივების აღდგენაში, ევროპისა და აშშ-ის სანქციების რეჟიმებში ნავიგაციასა და ოპერაციების რესტრუქტურიზაციაში, შემდგომი შეზღუდვების თავის არიდებაში.

ერთ-ერთი ასეთი იურიდიული ფირმა, DTK Partners, მოსკოვში 2014 წელს დაარსდა და რუსეთ-საქართველოს მოქალაქე დავით კუხალაშვილის ეკუთვნის. 

OC Media აღნიშნავს, რომ კუხალაშვილის რუსული ბიზნეს საქმიანობის შესახებ თავდაპირველი ინფორმაცია თბილისელმა მკვლევარმა ლიკა ბასილაია-შავგულიძემ გაავრცელა.  კუხალაშვილი ხშირად მოიხსენიება რუსეთის სახელმწიფო მედიაში, როგორც საავიაციო ინციდენტების ექსპერტი და არაერთხელ უმუშავია რუსეთის სამთავრობო უწყებებთან ან სახელმწიფოსთან დაკავშირებულ ინსტიტუტებთან დაკავშირებულ საქმეებში.